Текст проекта 24247-(24247)

project.gov.uz
11.11.2020
101
бўйлаб ҳарорати Цельсий бўйича минус 2 даражадан минус 3 даражагача бўлиши лозим.
Музлатилган гўшт яхлаган гўштга хос равишда қисмларга ажратилган бўлиши талаб қилинади.
Музлатилган гўшт вагонларга
1,5 – 1,6 метр баландликда тахланади. Вагонларнинг пол панжаралари дастлаб қалин қоғоз билан
тўшалиб, ҳаво айланиши учун панжара ва деворлар орасида тирқишлар қолдирилади.
416. Совутгичларга эга бўлмаган пунктлардан жўнатиладиган мол, қўй ва от гўштлари
сўйилгандан сўнг 2 суткадан ортиқ бўлмаган сақлаш муддати
билан совуган ҳолатда ташилади. Совуган гўшт ташишга тақдим этилганда, юзаси бир оз қуриган
бўлиб, суяклари олдидаги мушаклар Цельсий бўйича плюс
4 даражадан плюс 12 даражагача ҳароратда бўлиши лозим.
417. Совутилган ва совуган гўшт вагонларга илгакларда илинган ҳолатда ортилади, бунда
сўйилган жонивор танасининг бутун, ярим ёки чорак қисми ўзаро бир-бирига, пол ва вагон
деворларига тегмаслиги лозим.
Сўйилган мол танасининг ярими шундай илинадики, бунда тананинг ўнг томони вагон эшигидан
бир томонда, чап томони вагон эшигидан бошқа томонда, уларнинг ички томони эса вагоннинг ён
деворларига қаратилган бўлиши лозим.
Сўйилган мол танасининг чорак қисми ва қўй танасининг бутун қисми икки қатор қилиб илинади,
мол ва қўй гўштининг иккинчи қатори биринчи қаторига арқон ёрдамида илинади. Катта
ҳажмдаги сўйилган мол танасининг ярими
ёки чорак қисми шахмат тартибида илгакларга илинади. 
Бўйлама ярим танага ажратилган чўчқа гўшти ва бошқа жониворларнинг гўшти жой ҳажмидан
келиб чиққан ҳолда мол ва қўй гўшти илингани каби илинади.
418. Озиқ–овқат мақсадида саноатда қайта ишлов бериш
учун фойдаланиладиган гўштни совутилган, музлатилган ва бир оз музлатилган ҳолатда ташишга
рухсат берилади. Юк жўнатувчилар юкхатининг “Юк номи” графасида ва сифат тўғрисидаги
ҳужжатларда бу гўшт қандай мақсадларда жўнатилаётганини кўрсатади.
Савдода ва умумий овқатланиш корхоналарида ишлатиладиган гўштни совутилган ва яхлатилган
ҳолатларда ташишга рухсат этилади.
419. Сўйилган ҳар қандай парранда гўшти тарада ташиш учун қуйидагича тақдим этилади:
музлатилган ҳолатда – ичидаги ҳарорат Цельсий бўйича минус 8 даражадан юқори бўлмаган
ичак–човоғидан тўлиқ тозаланган ва ярим тозаланган;
совутилган ҳолатда – ичидаги ҳарорат Цельсий бўйича 0 даражадан
плюс 4 даражагача бўлган ичак–човоғидан тозаланган.
Ёввойи қушлар патлари билан музлатилган ва қадоқланган ҳолатда ташилади. Моғор ва
шилимшиқ аломатлари мавжуд бўлган, ачиган ҳидли ва юзаси намланган сўйилган парранда
гўшти ташилишига йўл қўйилмайди.
420. Сўйилган қуён таналари сўйилган парранда учун мўлжалланган яшикларда фақат
музлатилган ҳолатда ташилишга йўл қўйилиб, ҳарорати Цельсий бўйича минус 6 даражадан
юқори бўлмаслиги лозим.
Таналар терисиз, бошсиз ва ички органларисиз (буйраклар бундан мустасно), шунингдек, моғор,
шилимшиқ ва намлик аломатларисиз бўлиши лозим.

---