Текст проекта 24247-(24247)

project.gov.uz
11.11.2020
92
ташиш учун розилиги ҳақида юкхатида кўрсатилмаган бўлса, шунингдек, юкдан вагон тормоз
қисмларининг музлашига олиб келадиган миқдорда намлик ажраладиган ҳолларда темир йўл
музловчи юкларни ташишга қабул қилишдан бош тортишга ҳақлидир.
385. Юк музлаган ҳолатда етиб келган тақдирда, темир йўл станциясининг ваколатли ходими
юкни олувчининг иштирокида умумий шаклда далолатнома тузади. Далолатномада юк музлаган
ҳолда келганлиги факти тасдиқланади,
юкни олувчи томонидан вагонлардан юкни тушириш учун қўрилган чоралар
ва юкни тушириш учун сарфланган вақт кўрсатилади.
Музлаган юк темир йўл (инфратузилма эгаси, ташувчи) айби билан кечикиб етказилганда юкни
олувчига бундай юкни тушириш учун қўшимча вақт берилади. Қўшимча вақт мазкур юкни
механизациялашмаган усулда тушириш
учун белгиланган муддатнинг бир ярим бараваридан ошмаслиги керак.
23
–
боб. Тез бузиладиган юкларни ташиш тартиби
§ 1. Умумий шартлар
386. Ташиш вақтида атмосфера ҳавосининг юқори ёки паст ҳароратлари таъсиридан ҳимоя
қилишни, йўл давомида кузатиб бориш ёки махсус хизмат кўрсатишни талаб этадиган юклар тез
бузиладиган юклар сарасига киради.
Тез бузиладиган юклар рўйхатлари ҳамда термик, технологик жиҳатдан ишлов берилишидан ва
йил давридан келиб чиққан ҳолда уларни ташишга қўйиладиган охирги муддатлар ушбу
Қоидаларнинг 36–иловасида келтирилган.
Ушбу Қоидаларнинг 36–иловасида кўрсатилмаган тез бузиладиган юкларни темир йўл
(инфратузилма эгаси) билан келишган ҳолда ташишга рухсат берилади.
387. Тез бузиладиган юклар изотермик вагонларда (рефрижераторли вагонлар, термос–вагонлар,
ИВ–термослар, автоном рефрижераторли вагонлар (АРВ), вагон–цистерналар, вино ва вино
маҳсулотларини ташиш
учун цистерна–термослар), универсал ёпиқ вагонлар, кузови иситиш мосламалари билан
жиҳозланган ёпиқ вагонлар (КРУ), рефрижераторли ва универсал контейнерларда ташилади.
Тез бузиладиган юкларни майда жўнатмаларда ташишга йўл қўйилмайди.
Рефрижератор секциялари ва автоном рефрижераторли вагонлардан (АРВ) биринчи навбатда тез
бузиладиган юкларни узоқ масофаларга ташиш
учун фойдаланилади.
Вагонларга ортишдан олдин термик жиҳатдан тайёрланган (музлатилган, совутилган, иситилган)
тез бузиладиган юкларни ташиш учун термос–вагонлардан фойдаланилади.
Термик жиҳатдан тайёрланмаган тез бузиладиган юкларни ва ўзидан биологик иссиқлик
ажратадиган (янги узилган мева–сабзавотлар ва картошка), шунингдек, чекланган сақланиши 10
суткадан кам бўлган муддатни ташкил этган юкларни термос–вагонларда ташиш тақиқланади.
388. Ташишга тақдим этилаётган тез бузиладиган юклар ушбу Қоидаларнинг 5–боби талабларига,

---