Текст проекта 24247-(24247)

project.gov.uz
11.11.2020
75
а) темир йўл (инфратузилма эгаси, ташувчи) минтақавий бўлинмалари раҳбари томонидан темир
йўл станцияларига ажратиладиган меъёрлар бўйича;
б) юк жўнатувчилар майда жўнатмалар тарзида юкларни ташиш
учун прогноз қилинган меъёрдан (бошқа терма гуруҳлар каби, ташилаётган
юк турига мос келадиган гуруҳ бўйича прогноз қилиш ҳисобига) фойдаланган ҳолларда уларнинг
буюртмалари бўйича амалга оширилади.
299. Майда жўнатмалар қуйидаги тоифаларга бўлинадиган терма вагонларда ташилади:
а) тўғридан–тўғри, битта темир йўл станцияси манзилига майда жўнатмалар билан юкланган;
б) тўғридан-тўғри участка, битта саралаш участкасининг ҳар хил темир йўл станцияларига
етказилаётган майда жўнатмалар билан юкланган;
в) қайта юкланувчи, бир нечта саралаш участкаларининг етказиш манзили ҳар хил бўлган темир
йўл станцияларига юкланган. Бу вагонлар юкни сараловчи платформаларга саралаш ва келгусида
юкни етказиш манзилидаги темир йўл станциясига жўнатиш учун юборилади.
300. Майда жўнатмалардаги юкларни ташишга қабул қилиш майда жўнатмалар билан ишлаш
учун жиҳозланган омборларга эга бўлган темир йўл станцияларида, ҳар бир йўналиш бўйича
майда жўнатмалар юк оқимларининг миқдорини ҳисобга олган ҳолда темир йўл (инфратузилма
эгаси, ташувчи) минтақавий бўлинмаси раҳбари томонидан тасдиқланадиган календарь жадвал
бўйича амалга оширилади.
Бошқа юклар билан биргаликда ташишга қабул қилинмаган юклар (хавфли, бадбўй суюқликлар,
ҳайвонлардан олинган хом–ашё) ҳамда оғир вазнли юклар учун қабул қилиш ва ортишда ҳар бир
йўналиш бўйича махсус кунлар ўрнатилиши мумкин.
301. Майда жўнатмаларни умумий фойдаланишда бўлмаган жойларда қабул қилиш ва ортиш юк
жўнатувчиларнинг темир йўл станцияси бошлиғи
билан келишилган декада буюртмалари ва ташишларнинг батафсил прогнози асосида амалга
оширилади.
Вагонлар майда жўнатмалар билан ва вагонларга юк ортишнинг ўрнатилган техник меъёрларига
мувофиқ юкланиши керак. Майда жўнатмаларни гуруҳларга ажратиш шундай ҳисоб билан амалга
оширилиши керакки, улардан энг кўп миқдордаги тўғридан-тўғри терма вагонлар шаклланиши
таъминланиши керак.
302. Майда жўнатма ташишга тақдим этилишидан аввал юкни жўнатишга рухсат олиш учун
тўлдирилган юкхати юк жўнатувчи томонидан темир йўл станцияси бошлиғига тақдим этилиши
керак.
Майда жўнатмалар ортилишини олдиндан прогноз қилиш ва битта етказиш манзилидаги темир
йўл станциясига энг кўп миқдордаги терма вагонлар шакллантирилишини таъминлаш учун темир
йўл станцияси бошлиғи
билан келишилган кунларда барча юк жўнатувчилар томонидан юкхатларини олдиндан тақдим
этиш тартиби ўрнатилади.
Темир йўл станцияси бошлиғи календарь жадвал ёки қабул қилиш ва ортиш прогнози асосида
юкни олиб кириш ва ортиш кунларини юкхатида кўрсатади. Бундан ташқари, йирик темир йўл
станцияларида юкни темир йўл станциясига олиб кириш соатлари кўрсатилиши мумкин.
Майда жўнатмалар билан юкларни темир йўл станцияси омборларига олдиндан олиб кириш темир
йўл станцияси бошлиғи билан келишув асосида амалга оширилади. Бунда, берилган йўналишнинг

---