Текст проекта 24247-(24247)

§ 6. Ташиш ҳужжатлари тўпламини тўлдириш тартиби
70. Ташиш ҳужжатларининг тўплами шаклларининг намуналари
ушбу Қоидаларнинг 7–иловасида келтирилган юкхати, йўл қайдномаси, йўл қайдномасининг
корешоги ҳамда юк ташиш учун қабул қилингани тўғрисидаги квитанциядан иборат.
Темир йўл (инфратузилма эгаси, ташувчи) юк жўнатувчига ташиш ҳужжатларнинг бланкаларини
тақдим этиши шарт.
Ташиш ҳужжатларининг тўлиқ тўплами юк жўнатувчи томонидан юкхатининг тегишли графалари

---

project.gov.uz
11.11.2020
26
маълумотларига мувофиқ ёзув машинаси,
шу жумладан компьютерда тўлдирилади.
71. Юкхати ва йўл қайдномаси юкни етказиш манзилидаги темир йўл станциясигача юк билан
бирга жўнатилади ва ўша ерда юкни олувчига
юк билан бирга топширилади. Бунда, йўл қайдномаси юкни олувчига
юк топширилгандан сўнг темир йўл станциясида қолдирилади.
Юкни қабул қилиш квитанцияси, ташиш шартномаси тузилгандан сўнг, жўнатиш темир йўл
станциясида юк жўнатувчига топширилади.
Йўл қайдномаси корешоги юк расмийлаштирилиб, ташишга қабул қилингандан сўнг жўнатиш
темир йўл станциясида қолади.
72. Жўнатувчи темир йўл станцияси юк ҳужжатлари тегишли графасини
юк хужжатини расмийлаштириш тартибига мувофиқ тўлдиради,
шунингдек, ташиш ҳужжатлари тўплами нусхаларидаги “Етказиб бериш муддатининг тугаши”
графасида етказиб бериш муддатини кўрсатади.
73. Йўл давомида ташиш ҳужжатлари “йўл давомида юкхатини тўлдириш” тартиби каби
тўлдирилади.
Йўл қайдномасининг орқа томонидаги “1. Тижорат далолатномаси” графасида тижорат
далолатномаси рақами, тузилган санаси, темир йўл станциянинг номи кўрсатилади ва
далолатнома тузувчи темир йўл станциясининг календарь штемпели қўйлайди.
“2. Етказиш муддатини узайтириш” графасида юк ушланиб қолган темир йўл станцияси номи ва
ушбу Қоидаларнинг 30–бобига мувофиқ етказиш муддатини узайтириш ҳуқуқини берадиган
ушланиб қолиш давомийлиги ва сабаби кўрсатилади ҳамда темир йўл станциясининг календарь
штемпели қўйилади.
Ташиш ҳужжатларида дастлаб кўрсатилган темир йўл станцияси ўзгармаган ҳолда юкни олувчи
номи ўзгартирилса, юкни олувчи номи ва унинг коди ўчирилади (ўқиш имкони сақланган ҳолда)
ҳамда юк жўнатувчининг аризасига мувофиқ янги юкни олувчи номи ва унинг коди кўрсатилади.
74. Етказиш манзилидаги темир йўл станциясида ташиш ҳужжатлари “етказиш станциясида
юкхатини тўлдириш” тартиби каби тўлдирилади.
Шу билан бир вақтда юкни олувчи йўл қайдномасининг қуйидаги графаларини тўлдиради:
а) “Юкни олувчининг _______ шаҳри _______ банк бўлимидаги ____–сон ҳисоб рақами”
графасида юкни олувчининг номи ва ҳисоб рақами, шунингдек, унга хизмат кўрсатадиган банк
муассасасининг жойлашган жойи кўрсатилади;
б) “Юкни 20___ йилнинг _____ ойи ____ санасида қабул қилдим” графасида юк қабул қилинган
сана кўрсатилади;
в) “20___ йил_________даги _____-сон ишончнома асосида” графасида юкни қабул қилиш учун
ишончнома рақами ва у берилган сана кўрсатилади;
г) “Паспорт серияси __________, ____________ шаҳар ____________ кўчаси ___ –уй,
____ –хонадонда рўйхатга олинган” графасида юкни олувчи моддий жавобгар шахснинг паспорт
серияси ва рақами ҳамда паспорт бўйича доимий рўйхатга олинган манзили кўрсатилади.
Йўл қайдномасига киритилган маълумотлар юкни олувчининг имзоси
билан тасдиқланади.

---