13
11.
Печакгулдошлар (Convonvulaceae) - батат.
12.
Пиѐзгулдошлар (Liliaceae) - бош пиѐз, батун, анзур пиѐз, порей пиѐз, кўп
ярусли, шнитт, олтой, шалот пиѐзлари, саримсоқ.
13.
Спаржадошлар (Asparaguаceae) - сарсабил.
14.
Бошоқдошлар ѐки қўнғирбошлар (Poaceae) - ширин маккажўхори.
Пиѐзгулдошлар, спаржадошлар ва бошоқдошлар бир паллалилар, қолган
оилалар икки паллалилар синфига киради.
Ботаник гуруҳланиш ҳар бир ўсимликнинг ўсимликлар дунѐсидаги ўрнини
белгилайди. Муайян бир ботаник оиладаги ўсимликлар кўп ҳолларда ўсиш
шароитига бир хил талабчан бўлади, бир хил зараркунанда ва
касалликлар билан
зарарланади ҳамда морфологик, анатомик тузилишида умумий ўхшашликлари кўп
бўлади.
Ҳаѐтининг давомийлигига кўра, асосий сабзавот экинлари бир йиллик, икки
йиллик ва кўп йилликларга бўлинади.
Бир йиллик ўсимликларга: райҳон, бамия, батат, кашнич, гулкарам, пекин,
хитой карами, кресс-салат, салатбоп хантал, шивит, исмалоқ, салат, дуккаклилар,
горох, ловия, тарвуз, қовун, бодринг, қовоқ, помидор, физалис, ширин маккажўхори,
редиска,
картошка, саримсоқ киради.
Икки йиллик ўсимликларга: оддий карам, савой, брюссель, кольраби карами,
брюква, шолғом, сабзи, пастернак, петрушка, сельдерей, лавлаги, бош пиѐз, шалот,
порей пиѐзлар киради. Кўп йиллик ўсимликларга артишок, қатрон, хрен, батун пиѐз,
шнитт-пиѐз, кўп ярусли пиѐз, сарсабил, ровоч (чукри), шовул киради.
Сабзавот экинларининг бир, икки йиллик ва кўп йилликларга бўлиниши
маълум даражада шартли ҳисобланади. Картошка, помидор ва қалампир бизнинг
шароитда типик бир йиллик ўсимликлардир, ўз ватанида кўп йиллик ҳисобланади.
Шолғомнинг кўп
навлари икки йиллик, лекин унинг айрим навларида ҳаѐтининг
биринчи йилида мева ва уруғлар ҳосил бўлади, редисканинг Европа формалари бир
йиллик, хитой ва япон формалари эса икки йилликдир.
Сабзавот экинлари озиқ-овқатга ишлатиладиган органлари бўйича 2 катта
гуруҳга бўлинади: 1) генератив органлари; 2) вегетатив органлари озиқ-овқатга
ишлатиладиган сабзавотлар. Биринчи гуруҳга қуйидагилар киради:
а) пишиб етилган мевалари учун етиштириладиган мевали сабзавот экинлар:
тарвуз, қовун, қовоқ, помидор, аччиқ қалампир, физалис;
б) думбул (барра) мевалари учун етиштириладиган сабзавот экинлар: бодринг,
кабачка, патиссон, бойимжон, ширин қалампир, ловия, спаржа, ловия, дуккаклар,
маккажўхори, бамия;
в) тўпгуллари учун етиштириладиган сабзавот экинлар: гулкарам, артишок.
Иккинчи гуруҳ сабзавот экинлари вегетатив қисми ер остида ва ер устида
бўлганларга бўлинади. Вегетатив қисми ер устида бўлган сабзавот экинларига:
-
баргли сабзавотлар: шовул, исмалоқ, мангольд, салат, порей пиѐз, батун пиѐз,
кўп йиллик пиѐзлар, шивит, кашнич, петрушка, сельдерей, кресс-салат, райҳон,
ялпиз, хантал, салат, пекин карами; барг-поялиларга: оддий карам, савой, брюссель
карами, хитой карами, ровоч (чукри);
-
мевапояли сабзавот экинларга: кольраби карами киради.
Вегетатив қисми ер остида бўлган сабзавотларга:
14
-
пиѐзлилар: бош пиѐз, шалот пиѐз, саримсоқ;
-
туганакмевалилар: картошка, батат;
-
илдизмевалилар: лавлаги, шолғом, турп, редиска, сабзи, пастернак, петрушка
ва сельдерейнинг илдизмеваси ишлатиладиган навлари;
-
илдизпоялилар: хрен, қатрон;
-
ўсимталилар: спаржа киради.
Органлари озиқ-овқатга ишлатиладиган сабзавот экинларининг гуруҳланиши
улардан сифатли юқори ҳосил олишга қаратилган агротехника қўлланилишга имкон
беради.
Сабзавот экинларининг ботаник белгилари ва озиқ-овқатга ишлатиладиган
органларига кўра гуруҳланиши кўп афзалликлари билан бирга, камчиликларга ҳам
эга. Бир хил оилага мансуб бўлган баъзи экинларнинг ўсиш шароитига талабчанлиги
ҳар хил бўлади (бодринг ва тарвуз), улар турли органларини олиш учун
етиштирилади (помидор ва картошка). Бир хил ўсимлик (барг петрушка,
илдизмеваси ишлатиладиган петрушка) турли мақсадлар учун етиштирилади.
В.И.Эдельштейн амалий жиҳатдан сабзавот экинларини
биологик ва ишлаб
чиқариш хусусиятлари ҳамда ўстириш усулларига қараб гуруҳланишни таклиф
этди. Бу классификацияга мувофиқ сабзавот экинлари қуйидаги гуруҳларга
бўлинади:
1)
туганакмевали сабзавот экинлар: картошка, батат;
2)
полиз экинлари: тарвуз, қовун, қовоқ;
3)
қовоқдош сабзавот экинлар: бодринг, патиссон, кабачка;
4)
карам бошли экинлар: карамнинг ҳамма тури;
5)
илдизмевалилар: лавлаги, сабзи, турп, шолғом, пастернак, брюква;
6)
томатдош сабзавот экинлар: помидор, бойимжон, қалампир, физалис (пақ-
пақ);
7)
пиѐзбош сабзавот экинлар: саримсоқ, бош пиѐз, шалот пиѐз, порей пиѐз;
8)
кўкат сабзавот экинлар: редиска, салат, исмалоқ, шивит, петрушка,
сельдерей, кресс-салат, кашнич, райҳон, салат-хантал, ялпиз;
9)
дуккакли сабзавотлар: горох, ловия, спаржа ловия, дуккаклар;
10)
бошоқли сабзавот экинлари: ширин маккажўхори;
11)
кўп йиллик ва кам тарқалган сабзавот экинлар: шовул, ровоч (чукри),
сарсабил, кўп йиллик пиѐз, хрен, артишок, қатрон.
Кўпчилик сабзавотлар уруғдан ва кўчатидан кўпайтирилади. Шу билан бирга
сабзавотчиликда: туганак, қаламча, пиѐзбош ва илдизпоя, илдизмеваларини бўлиш
йўли билан вегетатив кўпайтириш усули ҳам қўлланилади. Кўпайтиришнинг бу
усулини қўллашнинг
сабаби шундаки, баъзи сабзавот экинлари (хрен, саримсоқ)
деярли уруғ бермайди ѐки уруғдан экилганда жуда кам ҳосил бериб, ирсий белги-
хусусиятларини парчаланиш туфайли йўқотади.
Бир йиллик ва икки йиллик сабзавот экинлари монокарпик бўлади. яъни бутун
ҳаѐтида бир марта гуллаб мева-уруғ берадиган экинларга монокарпик экинлар
дейилади.
Кўп йиллик сабзавот экинлари эса поликарпик бўлади. Чунки, улар гуллагач,
ҳар йили мева-уруғ беради.
