Технологияси

Қайса тайѐрлаш технологияси.
Қайса тайѐрлаш учун юқорида айтганимиздек, 
ўрикнинг данаги олиб ташлаб қуритилади. Бунда йирик донали, юқори навли ўриклар 
қуритилади. Маҳсулотни қуритишда тайѐрлаш (данагини ажратиш) учун харажат кўп 
бўлганлиги сабабли бу усул кам қўлланилади. Қуритиш технологик жараѐни қарийб 
туршак тайѐрлаш жараѐнидан фарқ қилмайди. 
Бу усулда қуритиш учун данаги мағзидан осон ажраладиган ўрик навлари қулай 
бўлиб ҳисобланади. Қуритиш 8 – 14 кун давом этади. Стандарт бўйича 18% ли 
намликга 20 – 28% миқдорда қуруқ тайѐр маҳсулот олиш мумкин. 
Кўрага тайѐрлаш технологияси.
Кўрага тайѐрлашда ўрикни териш, ташиш, 
сақлаш, сортларга ажратиш, ювиш, дудлаш ва бошқа технологик тадбирлар туршак, 
қайса тайѐрлашдан фарқ қилмайди. 
Бу усулда қуритиш учун йирик донали ўриклар танланиб, ювилгандан кейин 
чизиғидан иккига ажратиб данаги олиб ташланади. Мева паллачалари қайноқ сувда 1 
соат тутилиб, ички томонини устга қаратиб патносларга терилиб, ҳар килограмм 
маҳсулот ҳисобига 1,5 – 2 грамм олтингугурт ҳисобида 60 – 80 секунд давомида 
тутатилади. Дудланган мева патноси билан бирга сукчакларга олиб қуритилади. 
Намининг 2/3 қисми камайгандан кейин ўрик паллалари ағдариб қўйилади ва тахминан 
намининг ¾ қисми қочгандан кейин патносларни тахларга тахлаб қўйиш лозим. Бу 
усулда қуритилганда 18% намлик билан 20 – 28 % қуруқ маҳсулот олиш мумкин. 
Жами қуритиш даври 10 – 15 кун давом этади. 
Олма ва шафтолини қуритиш
– қуритиш асосан қуйидаги усулларда 
ўтказилади: 
1. Оддий усулда қуритиш, бунда меванинг пўсти арчилмайди. 
2. Французча усулда қуритиш, бунда меванинг пўсти арчилиб, уруғи олинади. 
Қуритиш учун олмалар техник пишиш даврида ѐки техник пишишдан 2-3 кун 
олдин йиғиштириб олинади. Бу даврда навларига қараб олма қанддорлиги 8-16 % 
кислоталиги 0,2-1 % бўлиши керак. 
Олма пўсти арчилгандан кейин тўғралиб 2-3 % ли намакобга солинади. Кейин 
патнисларга олиниб олтингугурт билан дудланади. 
Дудлашда ҳар килограмм олма учун 1,5-2 граммдан олтингугурт сарфланади. 
Дудлаш 20-40 минут давом этиши лозим. 
Қуритиш усули ҳаво ҳарорати, олманинг йирик- майдалигига қараб қуритиш 3-5 
кундан 14-15 кунгача давом этиши мумкин. 
Шафтолини икки усулда данаги билан ѐки курага ҳолида, яъни данаксиз қуритиш 
мумкин. Қуритишдан олдин йирик-майдалиги, пишиш даражасига қараб сортларга 
ажратилгандан кейин, дудлашдан олдин тукли шафтолилар ишқор эритмаси билан 
ишлов берилади. 
Сортларга ажратилган шафтолини патнисларга 2-4 кг дан солиниб 1-3 % ли 
каустик сода эритмасида 30-90 секунт сақланиб, кейин совуқ сув билан ювиш тавсия 
этилади. 

---

174 
Пўстидан ажратилган ҳамда данаги олинган шафтоли бутун ҳолида пўсти билан 
қуритилганга қараганда 2-3 баравар тезроқ қурийди. Дудлаш ҳар килограмм маҳсулот 
учун 1-1,5 грамм олтингугурт ҳисобида 60-80 минут давомида ўтказилиши лозим.