Техник конструкциялаш ва моделлаш

Yumshoq  abraziv  materiallar  bilan  kuydirilgan  po‘lat,  cho‘yan,  alyumin  va  alyumin 
qotishmalari  ishqalanadi.  Xomaki  ishqalashda  silliqlovchi  abraziv  kukunlar  qo‘llaniladi,  ularnint 
donadorligi  5—3  mkm.  Dastlabki  ishqalashda  M28,  M20  va  M14,  uzil-kesil  ishqalab  ishlov  berishda 
M10,  M7,  M5  mikrokukunlardan  foydalaniladi.  Yumshoq  abraziv  materiallardan  eng  ko‘p 
qo‘llaniladigani  pasta  bo‘lib,  uni  tyubikda  ishlab  chiqariladi.  Pasta  bilan  ishlov  berilgan  detallarning 
sifati  yuqori,  yarqirash xususiyatiga ega bo‘ladi. Pastalarning uchta  — dag‘al, o‘rtacha va nafis turlari 
bor.  Dag‘al  pasta  och  yashil  rangli  bo‘lib,  metall  qatlamini  millimetrning  bir  necha  o‘nlab  ulushidan 
birini  olishi  mumkin.  Egovlash,  shaberlash,  randalash,  shlifovkalash  bilan  ishlangan  sirtdagi  izlarni 
yo‘qotadi. Ishlov berilgan sirt xiraroq bo‘ladi. Yashil rangli o‘rtacha (mayin) pasta millimetrning yuzdan 
bir ulushi qalinligidagi qavatni oladi, bu holda ishlov berilgan izlar qolmaydi. Qora rangdan nafis pasta 
yordamida millimetrning mingdan bir ulushiga to‘g‘ri keladigan qatlam olib tashlanadi, 
Har  bir  turda:  pastaga  abraziv  xususiyatini  ko‘rsatadigan  raqam  belgilanadi,  masalan,  dag‘al 
pasta  №50, 40, 35, YU (yumshoq), 25 va 20; o‘rtacha      №15 va 10; nafis  №7 va 5. Dag‘al pasta 
donasining  o‘lchami — 40—17 mkm, o‘rtachaniki – 16 mkm, nafis pastaniki 8 mkm. dan kam.