Техник ижодкорлик ва конструкциялаш”

Хавфсизлик техникаси қоидалари. Масштаб линейка ясаш (1:5).
Машғулотлар давомида чизмалар чизиш учун қора қалам, рангли ручкалар, ўчирғич, тўғри, учбурчак чизғичлардан, моделлаштириш машғулотларида картон, миллиметрли қоғоз, елим, қайчи билан, макетларни тикишда нина, ип, тўғноғич билан ишлашга тўғри келади.
Нина билан ишлаш - нинани махсус жойда сақлаш, ўз кийимига қадамаслик оғизга солмаслик, йўқотиб қўймаслик, синган нинани махсус жойга ташлаш керак. Нинани ўнг қўлнинг бош бармоғи ва кўрсаткич бармоғи билан ушлаб ўрта бармоққа ангишвона кийилади.
Нинани бировга орқа тўмтоқ томони билан берилади.
Қайчи билан ишлаш - қайчини махсус жойда сақлаш, учини юқорига қилиб ушламаслик, иш жойида очиқ ҳолда қолдирмаслик, учидан ушлаб бировга бериш керак.
Қўлда тикиш-қўлда чок тикиш учун ип узунлиги 50-60 см бўлиши керак. Узун ип чигалланади ва узилади. Игна учи мато устидан киради. Мато устидан чиқаётган нина учини қўлнинг кўрсатгич ва бош бармоқлари билан ушлаб тортилади. Гавдани тўғри тутиш, эгилмаслик ва оёқларни чалиштирмаслик керак. Агар стул баланд бўлса оёқ остига бирон нарса қўйиш керак.
Конструкциялаш, яъни кийим асос чизмаларини чизишда чизмалар дафтарга тўлиқ сиғиши учун масштаб чизғичдан фойдаланилади. Бунинг учун ёғочли чизғичдан уй шароитида 1:5 ўлчамда масштаб чизғич тайёрланади. Қуйидаги суратда масштаб чизғич тайёрлаш тартиби кўрсатилган.
Чизма чизиш учун масштаб чизғич тайёрлаш 1:5


Кийим асос чизмаларини чизишда геометрик шартли белгилар

1	______	горизонтал
2		вертикал
3		ётиқ
4		параллел
5		перпендикуляр
6		бурчак биссектрисаси
7		тўғри тўртбурчак
8		ёй
9		айлана
10		диаметр
11		тўғри бурчак
12	÷	нуқтадан–нуқтагача