Техник ижодкорлик ва дизайн фанининг назарий (лекция) машғулотлари мазмуни

Ishni bajarish tartibi: 
1. Nazariy ma‘lumotlarni o`rganish. 
2. Berilgan nazariy ma‘lumotlardan foydalanib, amaliy ishlarni 
bajarish. 
3. Bajarilgan amaliy ishlarni topshirish. 
Mavzuni mustahkamlash uchun savollar: 
1. "Applikatsiya"- so`zining ma`nosini izohlab bering. 
2. Applikatsiya ishlari uchun qanday asboblar va moslamalar 
kerak bo`ladi? 
3. Applikatsiya uchun materiallar qanday tayyorlanadi? 
4. Applikatsiyaning qanday turlari mavjud? 
5. Applikatsiya tayyorlash jarayoni haqida ma`lumot bering. 
6-LABORATORIYA ISHI 
 
YUMSHOQ O`YINCHOQLAR TIKISH 
Ishning maqsadi:
Yumshoq o`yinchoqlar tikish texnologiyasini 
o`rgatish. 
Yumshoq o`yinchoqlar tikish texnologiyasi 
Yumshoq o`yinchoqlar − bolalar o`yinlari uchun yaratilgan 
maxsus predmetdir. Biroq bu real predmetning kichraytirilgan nusxasi 
emas, balki uning shartli tasviri, o`ta umumlashtirilgan badiiy 
obrazidir. Ifodali shakl, harakatlilik, ravshanlik va rangning shartliligi 
- bularning barchasi bolani o`yinchoqqa jalb qiladi. U bilan o`ynash 
ishtiyoqini tug`diradi, bir so`z bilan aytganda, o`yinchoq bola 
quvonchining manbaidir. 
Yumshoq o`yinchoq bilan turli yoshdagi bolalar shug`ullanishlari 
mumkin. Maktabgacha yoshdagi bolalarning yumshoq o`yinchoqlari 
ular o`yinlarining qiziqarli o`tishiga vosita bo`lsa, katta yoshdagi 
bolalarning yasaganlarini esa uyni bezatib qo`yishga, tug`ilgan 

---

~ 139 ~ 
kunlarda, bayramlarda do`stlarga, bog`chalarga, maktablarning kuni 
uzaytirilgan guruhlariga, mehribonlik uylariga sovg`a o`rnida berish 
uchun ishlatishadi. 
 
O`yinchoq tikish uchun kerakli materiallar 
Yumshoq o`yinchoq tikish uchun turli gazlama va materiallar 
kerak bo`ladi. O`yinchoqlarga gazlama tanlashda rangiga, tolaviy 
tarkibiga, qalin-yupqaligiga e‘tibor berishlari lozim. Yumshoq 
o`yinchoq uchun iloji boricha yangi gazlama yoki avvaldan yuvib, 
dazmollangan satin, barxat, shtapel, paxmoq, chit, junli, mo`ynali 
gazlamalar tavsiya etiladi. Quyida ish jarayorida kerak bo`ladigan 
materiallar keltirilgan: 

Sun‘iy mo`yna (tabiiy mo`ynadan foydalanilmagani ma‘qul). 
Tabiiy va sun‘iy (iloji boricha cho`zilmaydigan) gazlamalar. 

Har turli lenta, tasma, to`r, rezinka va boshqa mayda bezaklar. 

Oq, qora va turli rangdagi charm (tabiiy yoki sun‘iy) yoki 
kleyonka bo`laklari. 

O`yinchoqlar ichini to`ldirish uchun paxta, sintepon, sintepux, 
porolon va boshqa materiallar. 

Turli o`lchamdagi tugmachalar, munchoqlar, ishlatilmaydigan 
bijuteriya (zirak, taqinchoq)lar. 

Mustahkam g`altak iplar (gazlama rangiga moslab olinadi). 

1,5-2,0 sm qalinlikdagi alyumin yoki mis simlar (o`yinchoq 
qismlarini biriktirish uchun). 

PVA yelimi. 

«Moment» yelimi. 

Hayvonlarni ifodalovchi o`yinchoqlar uchun tukli bumazeya, 
sun‘iy va tabiiy jun gazlamalar. 
Tana 
yuzasining 
ko`rinishlarini 
tasvirlovchi 
qo`g`irchoq 
o`yinchoqlari uchun shifon, volta, sun‘iy tolali shoyi gazlamalar; yuz 
qismi uchun och pushti, och jigarrang gazlamalar, kiyimlari uchun 
rangli gazlamalar ishlatish tavsiya etiladi. Sochlar uchun sun‘iy va 
viskoza iplaridan foydalanish mumkin. Tikish uchun tayyorlangan 
o`yinchoqni ichi paxta va boshqa materiallar bilan to`ldiriladi. Bosh 
qismini bezatish uchun tugmacha, munchoq, yaltiroq charm yoki 
kleyonka ishlatiladi.