Tegidan tashqari bu bo’limning qolgan barcha teglari ekranda aks ettirilmaydi. Odatda tegi darhol tegidan keyin keladi tegi sarlavhaning tegidir, va hujjatga nom berish uchun hizmat kiladi. Hujjat nomi va

9.2. Paskal tilining alifbosi va tushunchalari
Ixtiyoriy tabiiy tillar (o‘zbek, rus, ingliz, fransuz va hokazo) bir necha asosiy elementlardan, ya’ni simvollar, so‘z, so‘zlar birikmasi va gaplardan tashkil topadi. Xuddi shunday algoritmik tillar ham tabiiy tillar kabi asosiy elementlardan tashkil topadi. Bu erda asosiy elementlar simvollar, so‘z, ifoda (so‘zlar birikmasi) va operator (gap)lardan tashkil topadi.

Paskal tili alifbosiga quyidagilar kiradi:

1. 26 ta lotin alifbosi harflari: A,B,C,D,E,F,G,H, I,J,K,L, M, N, O, P,R, Q, S, T, U, V, W, X, Y, Z va rus alifbosi harflari.

2. Arab raqamlari: 1,2,3,4,5,6,7,8,9,0 . Nol soni O harfidan farq qilishi uchun dastur tuzishda uning ustiga chizib yoziladi.

3. Arifmetik amallar. Paskal tilida quyidagi arifmetik amal belgilari mavjud: ko‘paytirish (*), masalan: A*B; bo‘lish (/), masalan: A/B; qo‘shish (+), masalan: A+B; ayirish (–), masalan: A–B; Paskal tilida darajaga ko‘tarish amali yo‘q. SHuning uchun ham sonlarni butun darajaga ko‘tarish (daraja ko‘rsatkichi katta son bo‘lmasa) ularni bir necha marotaba ko‘paytirish yo‘li bilan amalga oshirish mumkin. Haqiqiy darajaga ko‘tarish (agar asos musbat son bo‘lsa) logarifmlash yo‘li bilan amalga oshiriladi.

xⁿ = e^nlnx yoki xⁿ = 10^nlgx.

4. Munosabat amal belgilari: < (kichik), <= (kichik yoki teng), > (katta), >= (katta yoki teng), = (teng), < > (teng emas).

5. Maxsus belgilar: . (nuqta) , (vergul) ; (nuqtali vergul) : (ikki nuqta), oddiy, kvadrat va figurali qavslar: ( ),[ ],{ }; probel yoki bo‘sh joy tashlash, ' (apostrof); "(qo‘shtirnoq) va hokazo.

6. Xizmatchi so‘zlar: AND-va, ARRAY-massiv, BEGIN-boshlamoq, CASE-variant, CONST-o‘zgarmas, DIV-butunga bo‘lish, DO-bajarmoq, DOWNTO-gacha kamaytirish, ELSE-aks holda, END-tamom, FILE-fayl, FOR-uchun, FUNCTION-funksiya, GOTO-ga o‘tish, IF-agar, IN-ga, LABEL-belgi, MOD-butunga bo‘lib, kasr qismiga olish, NOT-yo‘q, OF-dan, OR-yoki, PROCEDURE-protsedura, PROGRAM-dastur, RECORD-yozuv, REPEAT-takrorlamoq, SET-to‘plam, THEN-u holda, TO-gacha, TYPE- toifa, UNTIL-gacha, VAR-o‘zgaruvchi, WHILE-hozircha.

Nom. Nom (yoki identifikator) harf va raqamlar ketma-ketligidan tashkil topadi va albatta harfdan boshlanishi shart. Nom dasturda o‘zgaruvchilarni, o‘zgarmaslarni, turlarni, protseduralarni va funksiyalarni nomlash uchun qo‘llaniladi. Nomlarni tanlash to‘laligicha dasturlovchining ixtiyorida. Iloji boricha qaralayotgan ob’ektlarning ma’nosiga to‘g‘ri keluvchi nomlarni tanlash maqsadga muvofiqdir. Nom sifatida Paskal tilining xizmatchi so‘zlari va standart nomlarni qo‘llash mumkin emas. Ko‘pgina kompyuterlarda nomlarning uzunligi chegaralangan, ya’ni 8 ta simvoldan ortmasligi kerak.