Тдиу «халкаро туризм» факультети «бизнес бошкаруви ва логистика» кафедраси «логистика» фани буйича такдимотлар

Логистика такомиллашувининг 3 босқичи ажратилади

Биринчи босқич – XX асрнинг 60 - йиллари – омбор хўжалигининг транспорт билан интеграциялашуви ҳамда уларни ишлатишда бир - бирига мослаштириш билан характерланади. Бу босқичда фақат юклаш -тушириш амаллари билан боғлиқ бўлган транспорт билан омбор яқин ўзаро алоқаларга эга бўла бошлайди. Улар бир график ва солиштирилган технология бўйича бир иқтисодий натижага ишлашни бошлайди.

Иккинчи босқич – XX асрнинг 80 - йиллари бошига тўғри келади. Омборга жойлаштириш ва транспорт ишларининг ўзаро ҳамжиҳатлигига ишлаб чиқаришни режалаштириш қўшила бошлайди. Ишлаб чиқариш цехи, транспорт ва омборлар бир бутун механизм сифатида ишлашни бошлайди. Шу йўл билан харидорларга хизмат кўрсатиш сифатини бошқариш, мосламаларнинг ишлаш самарадорлигини ошириш имконияти вужудга келади.

Учинчи босқич XX асрнинг 80 - йиллари ўрталарига тўғри келади ва материал ўтказувчи тармоқни ҳамма бўғинларининг интеграциялашуви билан характерланади. Логистика концепциясининг асоси бўлган интеграциялашув заруриятини, таъминот, ишлаб чиқариш ва тақсимот бўғинларининг кўпчилик қатнашчилари тан ола бошлайди. Моддий ва ахборот оқимларининг тез ўтишини таъминлаш ва маҳсулотнинг хом - ашёни биринчи манбаидан то охирги истеъмолчигача ҳаракатининг ҳамма босқичлари мониторингини амалга ошириш имконини берувчи замонавий коммуникация технологиялари вужудга келади.