Tcp/ip stekining utilitalari Ishdan maqsad: tcp/ip steki utilitalari bilan ishlashni amaliy o’rganish. Nazariy qism

1-amaliy mashg’ulot

TCP/IP stekining utilitalari

Ishdan maqsad: TCP/IP steki utilitalari bilan ishlashni amaliy o’rganish.

Nazariy qism

Ma’lumki, barcha zamonaviy operatsion tizimlar tarmoqda ishlay oladi hamda o’z tarkibiga TCP/IP steki sozlamalarini tekshirish va tarmoqlarni diagnostik tahlil qilish uchun bir qancha utilitalarni oladi.

Quyida Microsoft Windows Corporate tarkibidagi servis utilita dasturlari keltirilgan (ba’zi tizimlarda ayrim utilitalar mavjud bo’lmasligi mumkin)

Utilita	Qo’llanilishi
hostname	O’z xostining tarmoq nomini chop etadi. Parametrlarsiz ishlatiladi.
ipconfig	Mavjud tarmoq konfiguratsiyasi uchun TCP/IP stekining quyidagi qiymatlarini chop etadi: IP-manzil, nimtarmoq niqobi, shlyuz manzili, WINS (Windows Internet Naming Service) va DNS (Domain Name System) manzillari.
ping	TCP/IP stekining to’g’ri sozlanganligi va masofadagi xost bilan aloqa mavjudligini tekshiriladi va hisobot chop etadi.
tracert	Masofadagi xostgacha bo’lgan marshrutni ICMP (Internet Control Message Protocol) protokolining nazorat paketi (echo)ni yuborish orqali tekshiradi va paketlar o’tgan marshrut haqida hisobotni chop etadi.
arp	ARP (Address Resolution Protocol – IP-manzil bo’yicha o’zining MAC-manzilini aniqlash) protokoli tomonidan ishlatiladigan manzillar mosligi jadvalini ko’rish va o’zgartirish imkonini beradi.
route	IP marshrutlash jadvali tarkbini ko’rish va o’zgartirish: yangi marshrut qo’shish yoki biror marshrutni o’chirish imkonini beradi.
netstat	TCP/IP bog’lanish bo’yicha statistika va joriy ma’lumotni chop etadi.
nslookup	DNS serverlariga so’rovlar jo’natish orqali yozuvlar va xostlarning domen psevdonimlarini, xostlarning domen xizmatlarini, shuningdek operatsion tizim haqidagi ma’lumotlarni tekshiradi.
telnet	Boshqa xost bilan TELNET terminalini emulyatsiyasi protokoli orqali bog’lanadi. TCP- port ishlatadigan tarmoq xizmatlarining holatini (masalan, POP3 va SMTP protokollari orqali pochta serveriga ulanishni) tekshirish uchun ishlatiladi.