Tayyorlash va ularning malakasini oshirishni tashkil

116 
Kredit modul tizimi va o‘quv jarayonini tashkil etish 
3-AMALIY MASHG‘ULOT. MAVZU: KREDIT-MODUL TIZIMIDA 
O‘QUV JARAYONINING USLUBIY TA’MINOTI. (2 SOAT)
 
Reja: 
1.
Talabaning axborot paketi.
2.
Ma’lumotnoma ko‘rsatkich.
3.
Dekanat va o‘quv bo‘limi hujjatlari.
4.
Pedagogik yuklama soatlari hisobi.
5.
Pedagogik yuklama topshirig‘i.
6.
Dars jadvallari.
7.
O‘qituvchining shaxsiy ish rejasi.
 
 
Amaliy mashg‘ulot maqsadi: 
Tinglovchilarda kredit-modul tizimida o‘quv jarayonining uslubiy 
ta’minotini, jumladan mutaxassislikning o‘quv-uslubiy majmuasi, o‘quv reja va 
o‘quv fanlari dasturlari, tanlov fanlar katologi hamda fanning o‘quv-uslubiy 
majmuasini shakllantirish bo‘yicha malaka va ko‘nikmalarini shakllantirish.
Amaliy mashg‘ulotni o‘tkazish tartibi: 
Mashg‘ulot rejasi bo‘yicha materiallar tahlil qilinib, kichik guruhlar yoki 
juftliklarda yangi pedagogik texnologiyalar yoki interaktiv usullardan foydalangan 
holda berilgan topshiriqlar bajariladi.
 
Amaliy mashg‘ulot bo‘yicha materiallar: 
Talabaning axborot paketi. 
Talabaning axborot paketi ma’rumotnoma-
ko‘rsatkich va talabaning o‘quv-uslubiy majmuasini (O‘UM) o‘z ichiga olib, 
talabaning oliy o‘quv yurtidagi barcha faoliyat turlariga tegishli hujjatlar 
jamlanmasini o‘ziga qamrab oladi. Talabaning O‘UM uning yangi akademik 
talablarga moslashuvchanligini, o‘qitish metodikasini yanada takomillashtirish 
maqsadida talabalar bilan muntazam aloqada bo‘lish va oliy ta’lim muassasasi 
sharoitlarida ta’lim mazmuniga oid ilg‘or tajribalarni joriy qilish maqsadida ishlab 
chiqiladi. 
Talabaning O‘UM kafedra tomonidan ishlab chiqiladi va dekan tomonidan 
tasdiqlanadi. U quyidagilarni o‘z ichiga oladi: 
• talabaning shaxsiy o‘quv rejasi (ShO‘R); 
• tanlov fanlari katalogi (TFK); 
• ishchi o‘quv dasturlari (Syllabus); 
• TMI, jumladan O‘RTMI bo‘yicha uslubiy ko‘rsatmalar; 
• barcha turdagi nazoratlar uchun test topshiriqlari; 
• amaliyot uchun materiallar. 
Talabaning O‘UM namunada ko‘rsatilgan yagona shaklda to‘ldirilishi zarur. 

---