Tayyorlash va ularning malakasini oshirishni tashkil

1.4. Ta’lim muassasalarida korrupsiyani oldini olish va unga qarshi 
kurashishning huquqiy va ma’naviy-ma’rifiy asoslari
. 
So‘ngi yillarda mamlakatimizda korrupsiyaga qarshi kurashish sohasida 
muhim tashkiliy-huquqiy islohotlar amalga oshirilmoqda. Aholining huquqiy ongi 
va madaniyatini oshirishga, jamiyatda korrupsiyaga qarshi murosasiz munosabatni 
shakllantirishga yo‘naltirilgan tizimli choralar ko‘rildi. 
Korrupsiyadan holi jamiyat va davlatni yaratish mamlakat taraqqiyotining 

---

39 
BOSh ILMIY-METODIK MARKAZ 
mustaxkam kafolati bo‘ladi. O‘zbekiston Respublikasi Prezidenti Shavkat 
Mirziyoev 2018 yil 7 dekabr kuni Konstitutsiyamiz qabul qilinganining 26 yilligiga 
bag‘ishlangan marosimdagi ma’ruzasida “Korrupsiya bilan hech qachon 
maqsadimizga erisha olmaymiz” deb, ta’kidlagan edi. 
Barcha sohalarda islohotlarni amalga oshirish doirasida fuqarolarning huquq 
va manfaatlari himoya qilinishini, davlat hokimiyati va boshqaruvi organlari 
faoliyati ochiqligini, jamoat va parlament nazoratini ta’minlash mexanizmlari 
takomillashtirildi. 
Ayniqsa, ta’lim sohasida korrupsiyaga nisbatan murosasizlik munosabatini 
shakllantirish bilan mustaqil fikrlaydigan, yuksak ma’naviy-axloqiy fazilatlarga ega, 
raqobatbardosh kadrlarni tayyorlashning mukammal tizimini yaratish belgilandi.
Xususan, Prezidentimizning 2020 yil 24 yanvar kuni Oliy Majlisga yo‘llagan 
murojaatnomasida, oliy ma’lumot olaman, o‘z ustimda ishlab, ilmli bo‘laman, 
degan, yuragida o‘ti bor, jo‘shqin yoshlarimizning tahsil olishi uchun hamma 
qulayliklarni yaratishimiz shart. Shuning uchun maktab bitiruvchilarini oliy ta’lim 
bilan qamrab olish darajasini 2020 yilda kamida 25 foizga va kelgusida 50-60 foizga 
yetkazamiz, deb ta’kidlab o‘tdi. 
Jahon Banki tomonidan keltirilgan tahliliy ma’lumotida, mamalakatimizda 
mehnat bozorining rivojlanishi iqtisodiyotning o‘zgarishi bilan birga sodir 
bo‘layotgani, bu turli xil qobiliyat egalariga bo‘lgan talabni o‘sishiga olib 
kelayotgani, mazkur talablarni qondirishda sifatli oliy ta’lim tizimi muhim ahamiyat 
kasb etishi keltirilgan. Mehnat va iqtisodiy o‘zgarishlarga hamohang holda oliy 
ta’lim tizimi ham isloh qilinishi ta’kidlangan. 
Korrupsiyaga qarshi kurashishda oliy ta’lim sohasi muhimligi va ahamiyatliligi 
yuqoriligi bilan ajralib turadi, chunki oliy ta’lim mehnat faoliyatiga yo‘llanma 
beruvchi yakuniy uzluksiz ta’lim bosqichi hisoblanadi. 
Davlatimiz rahbari tomonidan oliy ta’lim tizimiga qaratilayotgan alohida 
e’tibor va g‘amxo‘rliklarga qaramasdan, sohada korrupsiya holatlari, jiddiy 
muammo va nuqsonlar saqlanib qolmoqda. 
Bundan tashqari, oliy ta’lim “korrupsiyani dastlabki maktabi” hisoblanadi, 
chunki bu faoliyatda talaba o‘qituvchi bilan to‘g‘ridan-to‘g‘ri huquqqa zid 
faoliyatga kirishadi va unda korrupsiyaga moyil shaxsiyat shakllanib boradi. 
Kelajakda korrupsiyaviy harakatlarga moyil kadrni mas’ulyatli lavozimni egallashi 
xavfli korrupsiyaviy oqibatlarni keltirib chiqarishi aniq. 
Shunga ko‘ra, mazkur sohani muhimlik darajasini inobatga olib,