Tayyorlash va ularning malakasini oshirish hududiy

AMALIY MASHG`ULOTLAR MAZMUNI 
1-mavzu: Dars ishlanmalarni ishlab chiqishga qo`yilgan talablar (4 soat 
amaliy mashg`ulot).   
Matematika  darsi  va  unga  qo`yilgan  kompetentsiyaviy  yondashuvga 
asoslangan  zamonaviy  talablar,  didaktik,  psixologik  va  metodik  talablar.  Dars 
shakllari:  1)  individual  (o`qituvchining  har  bir  o`quvchi  bilan  yakka  tartibda 
ishlashi),  2)  frontal  (o`qituvchining  butun  sinf  bilan  bir  tomonlama  ishlashi),    3) 
guruhiy  (4-6  kishilik  guruhlarda  o`quvchilarning  ishlashi),  4)  jamoaviy  (sinf 
o`quvchilarining  bitta  jamoa  bo`lib  ishlashi).  Dars  turlari:  1)  yangi  mavzuni 
o`zlashtirish darsi, 2) o`zlashtirilgan bilim va ko`nikmalarni mustahkamlash darsi, 
3)  o`zlashtirilgan  bilim  va  ko`nikmalarni  takrorlash  darsi, 4)  o`zlashtirilgan  bilim 
va ko`nikmalarni tizimga solish va umumiylashtirish darsi, 5) o`zlashtirilgan bilim 
va  ko`nikmalarni  nazorat  va  baholash  darsi,  6)  aralash  (kompleks)  dars.  Har  bir 
dars  turlariga  mos  kelgan  dars  bosqichlari.  Darsning  motivatsiya  (yangi  mavzuga 
qiziqtirish)  bosqichi  va  uning  ta’lim  jarayonidagi  ahamiyati.  Darsning  refleksiya 
(o`quvchilarning  dars  davomidagi  o`z  faoliyatini  tahlil  qilishi  va  baholashi) 
bosqichi va uni o`tkazish bo`yicha tavsiyalar.  

---

12 
 
Dars  ishlanmasi  –  o`qituvchi  ijodkorligini  aniqlovchi  omil.  Dars  rejasi  - 
darsni  pedagogik, didaktik  va  uslubiy  jihatdan  rejalashtiruvchi,  loyihalashtiruvchi 
hujjat.  Dars  ishlanmalarini  yaratish  bo`yicha  uslubiy  tavsiyalar.  Dars 
ishlanmasining tuzilmasi: 1) dars mavzusi, 2) dars maqsadlari, 3) dars natijalari, 4) 
darsda  foydalaniladigan  ma’lumot  manbalari,  o`quv  uslubiy  adabiyotlar  va 
elektron resurslar, 5) darsda ishlatiladigan zarur texnik vositalar va jihozlar, 6) dars 
shakli,  7)  dars  turi,  8)  dars  metodlari,  9)  dars  bosqichlari  va  vaqt  taqsimoti,  10) 
dars borishining qisqacha tafsiloti.    
Darsning tafsilotlarini bayon qilish ketma-ketligi: 1) tashkiliy qism, 2) yangi 
mavzuni  boshlashga  hozirlik  (yangi  mavzu  bilan  bog`liq  o`tgan  dars  mavzularini 
takrorlash;  yangi  mavzuni  o`tishdan  oldin  o`quvchilarning  bu  mavzuga  oid  bilim 
darajalarini  aniqlash  va  baholash;  yangi  dars  maqsadini  tushuntirish),  3)  yangi 
mavzuni  yoritish  (dars  materiallarini  kichik–kichik  bo`laklarga  bo`lib,  ketma–ket 
ma’lum  uzviylikda  va  mantiqiy  bog`liqlikda  ko`rgazmali  tarzda  hamda  turli 
o`qitish uslublaridan foydalangan holda berish), 4) yangi mavzuni mustahkamlash  
(olingan  nazariy  bilimlarni  aniq  misollarga  qo`llab  va  turli  topshiriqlarni  bajarib, 
o`quvchilarda  mavzuga  oid  amaliy  ko`nikmalar  hosil  qilish),  5)  darsga  yakun 
yasash  va  baholash  (darsning  maqsadini  yana  bir  bor  eslatish  va  unga  qanchalik 
erishilganlikni  o`quvchilar  bilan  birgalikda  aniqlash,  darsning  asosiy  lahzalarini 
esga  olish,  o`quvchilarning  mavzu  bo`yicha  savollarga  javobini  tinglash  hamda 
darsda  faol  qatnashgan  o`quvchilarni  baholash,  refleksiya  (o`quvchilarning  dars 
davomidagi  o`z  faoliyatini  tahlil  qilishi  va  baholashi),  6)  uyga  vazifa  (o`tilgan 
mavzu bo`yicha bilim, malaka va ko`nikmalarni yanada mustahlamlashga, kelgusi 
dars  uchun  hozirlik  ko`rishga  qaratilgan  mustaqil  bajariladigan  savol,  mashq  va 
topshiriqlar  majmuasi)  va  baholash  (baholash  uchun  beriladigan  savol  va 
topshiriqlar  aynan  dars  maqsadidan  kelib  chiqqan,  mavzuni  o`zlashtirishga 
erishilgan yoki erishilmaganligini aniqlashdan iborat bo`lishi lozim)  
Dars maqsadi va natijalarining o`zaro mutanosibligini ta’minlash.  
Darsning  1)  ta’limiy,  2)  tarbiyaviy  va  3)  rivojlantiruvchi  maqsadlari  va 
ularning  davlat  ta’lim  standartlari,  tayanch  va  fanga  oid  kompetentsiyalar  bilan 
bog`liqligi.  Dars  maqsadlarini  ifodalashga quyiladigan talablar: 1)  real, 2)  erishsa 
bo`ladigan,  3)  aniq  (konkret)  va  4)  erishganlik  darajasini  o`lchasa  (baholasa) 
bo`ladigan.  Dars  maqsadlarini  to`g`ri  va  aniq  ifodalash  bo`yicha  tavsiyalar.  Dars 
maqsadi  va  natijalarining  o`zaro  mutanosibligini  ta’minlash.  Motivatsiya  va 
refleksiya.