Tayyorlanish uchun savollar

Tuproqning koli -titrini aniqlash uchun tarkibida tuproqdagi ko‘pgina mikroorganizalarning o‘sishiga to‘sqinlik qilib, ayni vaqtda ichak tayoq- chasi bakteriyalarning ko‘payishiga halaqit bermaydigan o‘t va gensian ko‘ki bo‘lgan elektiv ozuqa muhiti qo‘llaniladi. Bunday tajribalarda tarkibida yuqorida aytib o‘tilgan moddalardan tashqari, yana pepton, laktoza va achitil-gan E. coli bo‘lgan Kesslerning suyuq muhiti ko‘proq ishlatiladi. Suyultirilgan tuproq ekmasi Kessler muhitida bir sutka davomida o‘sti - rilgandan so‘ng muhit yuzasidagi gaz hosilalari va diffuzion o‘smalardan namuna olinadi. E. coli laktozaga ta’sir qilishi natijasida laktozadan fermentlarning ajralib chiqishi, ko‘p miqdorda gazning paydo bo‘lishiga va idish yuzasiga to‘planishiga sabab bo‘ladi. Tanlab olingan namuna Endo muhitiga ekiladi va 37⁰S temperaturada o‘stiriladi. O‘sma tayor bo‘lgach, E. coli ga xos bo‘lgan bamisoli yaltiroq metalday tovlanib turgan qoramtir – qizg‘ish koloniyalar paydo bo‘lganligi kuzatiladi. Olingan o‘smalardan surtma tayyorlab, mikroskopda tekshiriladi; surtmalarda mayda grammanfiy tayoqchalarning mavjudligi material tarkibida E. coli borligidan dalolat beradi.