Tayyorlanish uchun savollar

Koli - titr - bu o‘z tarkibida hech bo‘lmasa 1 tirik ichak tayoqchasi saqlagan suv / ml / yoki tuproqning / gramm / miqdoridir.

Koli - indeks - 1 litr suv yoki 1 gr tuproqdagi ichak tayoqchasining miqdori.

Tuproqning mikroblar soni - 1 gr tuproqda bo‘lgan mikroorganizmlar soni. Tuproqning mikroblar sonini aniqlash uchun tekshirilayotgan tuproq olinib, maydalanadi va bir necha eritma tayyorlandi / 1 : 100, 1 : 1000, 1 : 10000, 1 : 100000 /. Bu eritmalar olinib 2 holatda ozuqa muhitiga ekiladi:

1 ) Ozuqa muhitining ichiga. Buning uchun 1 ml. Tegishli eritmadan 1 ml olinib, sterillangan Petri kosachasiga solinadi va buning ustiga 10 ml , 45⁰S da eritilgan GPA yoki suslo agar solinadi. Muhit ohista aralashtiri-ladi va GPA li kosacha 37⁰S li susloagarli kosacha 24⁰S termostatga / zamburug‘larning o‘sishi uchun / qo‘yiladi.

2) Ozuqa muhitining ustiga. Buning uchun 0,1 ml tegishli eritmadan olinib, GPA li kosachaning ustiga shpatel yordamida ekamiz. 48 soatdan so‘ng olib, o‘sib chiqqan koloniyalarning miqdorini hisoblaymiz, ekilgan eritmaning miqdorini bilgan holda mikroblar soning o‘rtacha miqdorini topamiz. Bu usulda asosan saprofit mikroorganizlarning miqdori aniqlanadi.