Tayyorlanish uchun savollar

Havoni mikrobiologik usulda tekshirishning ikki usuli bor:

1) Sedimentatsion ( Kox usuli )

2) Aspiratsion ( Krotov apparati )

Go‘sht peptonli agarda ekilgan havo 24 soat davomida 37⁰S da inkubatsiya qilinadi, so‘ng bir sutka davomida uy temperaturasida saqlanadi. Saburo muhitiga ekilgan havo 22 – 28⁰S temperaturada 4 kun davomida inkubatsiya qilinadi. Inkubatsiyadan so‘ng muhitda o‘sib chiqqan koloniyalarning miqdori sanaladi va 1 m² havo miqdoriga nisbatan hisoblanadi.

Stollar, jihozlar, apteka idishlari, sochiqlar, xalatlar, xodimlarning qo‘lini mikroblar bilan zararlanganligini aniqlash uchun tampon va yuvindi usullaridan foydalanamiz. Xodimlar qo‘lidan ho‘llangan steril tampon bilan yuvindi olib, 5 ml Kessler yoki Bulir muhiti quyilib termostatda, 43⁰ S temperaturada, bir kun davomida saqlanadi. Agar muhit- da o‘sish borligi aniqlansa, endo differensial diagnostik muhitiga ekamiz, to‘q qizil rangdagi koloniyalar hosil bo‘lsa mikroskopiya qilamiz.

Bundan tashqari tekshirishlarning natijasida dorixonaning tozalik darajasi, tozalikka rioya qilish tartiblari buzilishi hollari aniqlanadi, eng muhimi, bu tekshirishlar idishlarni yuvib tozalash sifati va dorivor preparatlarni tayyorlash sifatiga to‘g‘ri baho berishga imkon beradi. Dorixona xodimlarining qo‘llarini tekshirish uchun steril tampon bilan qo‘l panjalari, kaft va qo‘l orqasi yaxshilab artiladi va ko‘rsatilgan tartibda yuviladi. Bunda mikroorganizmlar bilan zararlanishning umumiy darajasi emas, balki qo‘lning qanchalik fekaliy bilan zararlanish darajasi, dori –darmonlar va dorivor moddalar bilan ishlash ruxsat etiladigan tozalik darajasini aniqlash muhim amaliy ahamiyatga ega. Dorixona idishlarining mikroblar bilan zararlanish darajasini aniqlash uchun quyidagi usullardan foydalaniladi: kichkina dori idish yoki flakonchaga natriy xloridning izotonik eritmasidan 10 ml solib, yaxshilab chayqatiladi va idishning ikki qismi chayib chiqiladi. Keyin ana shu yuvilgan idish ichidagi eritmadan 1 ml probani olib , GPA yoki suslo – agar solingan Petri kosachasiga yuqorida ko‘rsatilgan usul bo‘yicha ekiladi.