Tayanch iboralar: Kiberxavfsizlik

Insidentini boshqarish tizimini qurish konsepsiyasi va strukturasini qarab chiqamiz.
Axborot xavfsizligi insidentini boshqarish tizimi arxitekturasi quyidagi asosiy komponentalarni o‘z ichiga oladi:
1. Integrallashgan platforma.
2. Audit va monitoringni apparat-dasturiy vositalari.
3. Axborotni himoyalashning apparat-dasturiy vositalari.
4. Axborot xavfsizligi insidentlari haqida axborot ombori.
5. Hisobotlarni generatsiyalash vositalari va analitik asboblar.
6. Vositalarni boshqarish va interfeysni to‘g‘rilash.
Integrallashgan platforma tizimning yadrosi hisoblanadi. Bu tizim tuzilishidagi hamma komponentalarni bitta umumiy funksiyaga bog‘lab beradi.
Integrallashgan platforma qo‘yidagilardan tarkib topgan:
1. Ma’lumotlarni yig‘ishni ta’minlovchi monitoring va audit vositalari uchun interfeys.
2. Axborot xavfsizligi insidentlari oqibatini lokalizatsiyalash maqsadida konfiguratsiyani tezkor o‘zgartirishdagi axborot himoyasi vositalari interfeysi
3. Hisobotlarni generatsiyalash vositalari va analitik funksiyalardan foydalanishdagi xizmatlar.
Audit va monitoringni apparat-dasturiy vositalari - tashkilot axborot tizimini qayta ishlash, yig‘ish va protokollashtirishni amalga oshiruvchi vositalardir. Bu vositalarga quyidagilar kiradi: o‘rnatilgan vositalar (ilovalar, operatsion tizim vositalari, tarmoq qurilmalari, himoya vositalari va avtomatlashtirilgan tizimlar) va maxsus vositalar (audit, xavfsizlik skanerlari, dasturiy agentlar, sensorlar, axborot yig‘uvchi qurilmalar).

1.7-rasm. Audit va monitoringni apparat-dasturiy vositalari.
Axborotni himoyalashning apparat-dasturiy vositalari:
1. Firewalls
2. IDS/IPS
3. Switch Level 3
4. Axborot xavfsizligini ta’minlash usul va vositalari (dasturiy vositalar).