Tavsiyanom a

T A V S I Y A N O M A

Sadullayev Boburjon Baxtiyar o‘g‘li 1992-yil 18-aprelda Xiva shahar Tozabog‘ mahallasida tug‘ilgan. 1998-yilda Xiva shahridagi 12-son umimiy o‘rta ta’lim maktabida tahsil ola boshlagan. 2007-yilda maktabni a’lo baholarga tugatib, shu yili UrDU qoshidagi 4-son akademik litseyning Xorijiy filologiya yo‘nalishiga o‘qishga qabul qilingan va ushbu litseyni 2010-yilda muvaffaqiyatli tugatgan. 2012-yilda Al-Xorazmiy nomli Urganch davlat universitetining Psixologiya fakultetiga o‘qishga kirgan va 2016-yilda shu fakultetni muvaffaqiyatli bitirgan. Dastlabki ish faoliyatini Xiva qishloq xo‘jalik kasb-hunar kollejida psixolog sifatida boshlagan. 2018-2019-yillarda Xiva pedagogika kasb-hunar kollejida pedagogika-psixologiya fani o‘qituvchisi bo‘lib ishlagan. 2019-yildan hozirgi kungacha O‘zbekiston Respublikasi Vazirlar Mahkamasi huzuridagi Prezident, ijod va ixtisoslashtirilgan maktablarni rivojlantirish agentligi tasarrufidagi Ogahiy ijod maktabida psixolog lavozimida ishlab kelmoqda.

Boburjon Sa’dullayev o‘z ish faioliyati davomida o‘zining odob-axloqi, insoniy fazilatlari bilan jamoaning mehrini qozondi. U o‘ta mas’uliyatli xodim. Boburjon maktabdagi psixologik sog‘lom muhitni yaxshilash borasida pedagoglar, ishchi xodimlar va o‘quvchilar o‘rtasida turli psixologik tadbir va treninglarni doimiy ravishda o‘tkazib boradi. O‘z ishiga mas’uliyat bilan yondashadi. Yoshlarning muammolarini o‘rganish va bartaraf qilishda o‘z yordamini ayamaydi. Har bir o‘quvchi va ota-ona bilan yakka tartibda psixologik suhbatlar uyushtiradi. Jamoat ishlarida doimiy ravishda faol ishtirok etadi. U ish faoliyati davomida yuksak intizomi, ishchanligi va har qanday o’ziga yuklatilgan vazifaga mas’uliyat bilan yondashib vijdonan bajarishi bilan ajralib turadigan bilimli, fidoyi mutaxassis ekanligini ko’rsata oldi.

Boburjon Sadullayev oilali, 2 nafar farzandning otasi.

Boburjon Sa’dullayev O‘zbekiston Respublikasi Yoshlar ishlari agentligi huzuridagi Yoshlar muammolarini o‘rganish va istiqbolli kadrlarni tayyorlash institutining tayyorlaov kurslarida tahsil olishga munosib nomzod hisoblanadi, deb ishonch bildiramiz va unga kelgusidagi yurtimiz rivoji va taraqqiyoti yo‘lidagi ishlarida zafarlar tilaymiz.

Ogahiy ijod maktabi direktori: S. Abdullayev