Tavsiya etilgan adabiyotlar: 1,“Davlatning iqtisodiy xavfsizligi”. H. P. Abulqosimov. Toshkent 2012 y

5 .O’zbekistonda mintaqani rivojlantirishni davlat tomonidan tartibga solishni takomillashtirish
Mustaqillik yillarida О‘zbekiston Respublikasida mintaqalarning iqtisodiy va ijtimoiy rivojlanishini davlat tomonidan tartibga solish quyidagi yо‘nalishlarda amalga oshirildi:

• mintaqalar, tumanlar guruhi va tumanlarni kompleks rivojlantirish dasturlarini ishlab chiqish;
• mintaqalar mineral xom ashyo resurslarini kompleks о‘zlashtirish, yer-suv resurslaridan samarali foydalanish, tashqi atrof muhitni muhofaza qilish;
• sanoat va uning tarmoqlarini rivojlantirishning mintaqaviy va respublika dasturlarini ishlab chiqish, faoliyat yuritayotgan ishlab chiqarish quvvatlarini profilini о‘zgartirish, xorijiy investitsiyali yangi korxonalarni qurish;
• mintaqalar qishloq xо‘jaligini ularning tabiiy-iqlim xususiyatlarini hisobga olgan holda ixtisoslashtirish, qishloq xо‘jaligida islohotlarni rivojlantirish va yanada chuqurlashtirish bо‘yicha respublika, mintaqaviy dasturlarni ishlab chiqish va amalga oshirish;
• ish bilan bandlik, ijtimoiy infratuzilmani rivojlantirish, qishloq aholisini tabiiy gaz va ichimlik suvi bilan ta’minlash bо‘yicha respublika dasturlarini amalga oshirish;
• respublika va mahalliy boshqaruv tizimlarini takomillashtirish;
• mahalliy byudjetni mustahkamlash, mintaqalarga dotatsiya va subvensiyalar ajratish;
• boshqarishning mintaqaviy-xо‘jalik tizimini oqilona tashkil etish maqsadida mamlakatni ma’muriy-hududiy bо‘linishini takomillashtirish.

Qishloq xо‘jaligini rivojlantirishni tartibga solish. Bunda quyidagi tartiblash usullaridan foydalanilmoqda:

• mintaqalarda mahsulot hajmini, qishloq xо‘jaligi ekin maydonlari va mintaqalarning ixtisoslashuvini tartibga solish;
• qishloqda ijtimoiy va bozor infratuzilmasini vujudga keltirish;
• qishloq xо‘jaligi yerlarining meliorativ ahvolini yaxshilash;
• qishloq xо‘jaligi korxonalari moddiy-texnika bazasini yaxshilash va mustahkamlash, ishlab chiqarishga xizmat kо‘rsatish bо‘yicha korxonalar tarmog‘ini yaratish;
• tabiatni muhofaza qiluvchi va gidrotexnik qurilmalarni qurish;
• zarar kо‘rib ishlovchi va past rentabelli qishloq xо‘jaligi korxonalarini moliyaviy qо‘llab-quvvatlash.

Qishloq xо‘jaligida iqtisodiy islohotlarni chuqurlashtirish dasturiga muvofiq qishloqda mulkdorlar sinfini, fermer xо‘jaliklarini shakllantirish jarayonlari davom ettirildi, tuproq unumdorligini oshirish, seleksiya va urug‘chilikni yaxshilash, qishloq xо‘jaligi ishlab chiqarishi hajmlarini о‘stirish chora-tadbirlari kо‘riladi.