Таваккалчиликни бошқариш фанидан маърузалар матни

11-чизма. Ахборотлар тизими


Оддий тизим: Ахборот пайдо бўлган жойдан истеъмол жойига келтирилади. Бундай ахборот телефон орқали ёки сигналлар воситасида келиб тушиши мумкин. Бу турдаги ахборот тизими қуйи бошқарув босқичига тўғри келади. Корхона раҳбарияти томонидан цехда иш юритаётган устага берилган ахборот бунга мисол бўла олади. Бундай ахборотларга деярли ишлов берилмайди. Чунки бундай ахборотлар корхона ички муҳитида ишлаб чиқариш жараёнини ташкил этиш, уни мукаммаллаштириш, ишни янада фаоллаштириш ёки ўзгартириш нуқтаи назарида қабул қилинади.
Мураккаб тизим: Бу тизим ишлаб чиқариш ва бошқариш таркибининг мураккаблиги билан боғлиқ. Бу ерда дастлабки ахборотлар юзага келганда, у туфайли келгусида юзага келадиган вазиятлар ҳар томонлама ўрганилиши керак бўлади. Ишлов беришда ҳисоблаш техникасидан кенг фойдаланилади.
Мураккаб ахборот тизимининг ҳар хил даражада механизациялаш ва автоматлаштириш турлари қуйидагилардан иборат:

• 
  Ахборотларни тўла ўзлаштириш даври. Бунда ахборот оддий механизмлардан фойдаланилган ҳолда бутунлай қайта ишланади.
  
• 
  Аралаш ахборот тизми. Бунда ахборотни механизациялашган ва автоматлашган қурилмалари ёрдамида ўзлаштиришларга эришилади. Бу тизим автоматлашган назоратни таъминлайди, баъзида корхонанинг ишлаб чиқариш фаолияти устидан оддий бошқарув жараёнини амалга оширади.
  
• 
  Ахборот-маълумот тизими. Бунда кўз билан бажариладиган назорат учун баъзи бир маълумотларни бериш билан чекланади.
  
• 
  Кузатув ахборот тизими. Бу тизим автоматлашган назорат ва бошқарувни таъминлайди. Кейинги икала тизим асосан технологик жараёнлар тўғрисидаги ахборотларни қайта ишлаш учун қўлланилади.
  

Ахборотлар тизими – бу мураккаб тизим бўлиб, ўз ичига турл ҳужжатларни, ахборот оқими, алоқа каналлари, техник воситалар ва автоматик бошқарув тизимларини олади. Бутун ахборотлар тизими аниқ ва доимий ишлаши лозим.