Tasviriy san'at 2017-uzb indd

Hamrobibi    Rahimova
1896-yilda 
Vobkent 
tumanida 
ta vallud  topgan.  An’anaviy  mayda 
shakldagi  sopol  o‘yinchoqlar  ya-
sovchi  haykaltarosh-kulol.  Uning 
asarlari  ot,  fi l,  eshak,  toychoq,  qo‘-
zi   choq,  qo‘chqor,  afsonaviy  qush 
va  hayvonlar  shaklidagi  mayda  plastika  va  hush tak -
chalardan  iborat  bo‘lib,  ularning  ko‘rinishida  yu mor  bor. 
Hamrobibi  onaning  asarlari  Parijdagi  Luvr,  Sankt-Peter-
bur g dagi  Ermitaj  hamda  Italiyadagi  Jahon  kera mika  mu-
zey laridan  o‘rin  olgan.
O‘zbekistonlik  haykaltaroshlardan  Abdumo‘min  Boy-
matovning  «Bo‘taloq»,  Turkman  Esonovning  «Cho‘pon 
bola»  (47-rasm)  nomli  haykallarini  diqqat  bilan  ku-
zatsangiz,  bugungi  darsda  ishlashingiz  lozim  bo‘lgan 
tuya  haykalini  tasvirlashingiz  oson  kechadi. 
Tuya  haykalini  ishlashga  kirishishdan  oldin  tuya-
lar  haqidagi  tasavvuringizni  ko‘z  oldingizga  keltirish-
ga  harakat  qiling.  Tuya  haykalini  ishlashda  uning 
o‘rkachlariga  e’tibor  qarating,  ya’ni  ular  bir  va  ikki 
o‘rkachli  bo‘ladi  (65-rasm). 
Qadimiy  tasvirlar,  jumladan,  Sharq  miniaturalarida 
ham,  zamonaviy  miniaturalarda  ham  tuya  tasviri  ras-
somlar  tomonidan  ko‘p  qo‘llanilgan  (66-rasm). 

---

63