Tashqi iqtisodiy faoliyat va raqobat menejmenti

Eksport tarkibi dinamikasi (yanvar-dekabr, foizlarda)

Tarkibi	2017 yil	2018 yil	2019 yil
Jami	100,0	100,0	100,0
Shu jumladan: Paxta tolasi	3,8	1,6	1,6
Oziq-ovqat mahsulotlari	7,0	7,8	8,5
Kimyo mahsulotlari va buyumlari	7,0	6,5	4,9
Energiya manbalari va neft mahsulotlari	12,8	19,1	14,1
Qora metall va undan tayyorlangan buyumlar	1,2	2,3	2,0
Ranli metall va undan tayyorlangan buyumlar	6,1	6,1	5,3
Mashina va asbob uskunalar hamda ularning qismlari	2,8	1,5	2,5
To‘qimachilik mahsulotlari	9,0	9,3	9,1
Oltin	26,0	20,8	27,5
Xizmatlar	19,7	21,9	19,9
Boshqalar	4,6	3,1	4,7

So`nggi uch yil davomida eksport tarkibi dinamikasida diversifikatsiya kuzatildi. Jumladan, qimmatbaho metallar va meva-sabzavot mahsulotlarining ulushi 1,5 foiz punktga, energiya tashuvchi va neft mahsulotlari ulushi 1,3 foiz punktga, qora metal va buyumlari 0,8 foiz punktga, xizmatlar 0,2 foiz punktga, to`qimachilik mahsulotlari 0,1 foiz punktga oshdi. Aksincha, qimmatbaho metallar, meva-sabzavot mahsulotlari hamda energiya tashuvchi va neft mahsulotlarining ulushi sezilarli oshishi hisobiga qolgan tovar guruhlari bo`yicha ulushida pasayish kuzatilgan.

Meva-sabzavot mahsulotlari eksporti hajmining oshishiga barra va qayta ishlangan sabzavotlarning 2018-yilga nisbatan mos ravishda 1,8 va 1,6 barobarga oshgani hamda jami meva-sabzabot tarkibida 46,5 %ni tashkil etishi bilan sezilarli ta`sir o`tkazgan.
Oziq-ovqat mahsulotlarining asosiy qismi bo`lgan 1,2 mlrd. dollarga yaqin qiymatli 1,4 mln. tonnadan ziyod meva-sabzavot eksport qilingan. Bu 2018-yilga nisbatan qiymatda – 1,4 va naturada – 1,1 barobar o`sgan. Meva-sabzavot mahsulotlarining eksport tarkibiga qaralsa, 542,4 mln. AQSh dollariga teng 816,5 ming tonnadan ortiq sabzavot, shuningdek 658,1 mln. AQSh dollari qiymatidagi 591,2 ming tonna meva va rezavorlar eksport qilindi (qiymat ko`rinishidagi o`sish sur`ati o`tgan yilga nisbatan mos ravishda 170,1 % va 116,1 % ni tashkil etdi).
Meva-sabzavot mahsulotlarining asosiy eksport bozorlari Qirg`iz Respublikasi, Qozog`iston, Rossiya va Turkiya davlatlari hissasiga to`g`ri kelgan.