Tashqi iqtisodiy faoliyat. Bojxona / Bojxonaga oid qonun hujjatlari]

4) 5-grafa. “Tovarlar nomlarining umumiy soni”.

Grafada BYuDning 31-grafalarida ko‘rsatilgan tovarlar nomlarining umumiy soni yoziladi. Bu son BYuDning to‘ldirilgan 31-grafalari soniga muvofiq bo‘lishi lozim;

5) 7-grafa. “BYuDning ro‘yxat raqami”.

Grafada Bojxona postlari tasniflagichiga muvofiq BYuD rasmiylashtirish uchun taqdim etiladigan bojxona postining beshta raqamli kodi ko‘rsatiladi;

6) 8-grafa. “Importchi/yukni qabul qiluvchi”.

Grafada transport hujjatlariga asosan bojxona tranziti rejimiga joylashtirilayotgan tovarlarni qabul qiluvchi shaxs to‘g‘risidagi ma’lumotlar qayd etiladi.

Grafada quyidagilar ko‘rsatiladi:

yukni qabul qiluvchi jismoniy shaxs bo‘lsa — jismoniy shaxsning familiyasi, ismi va otasining ismi, uning yashash manzili (Dunyo mamlakatlari tasniflagichiga muvofiq mamlakatning qisqa nomi va manzili);

yukni qabul qiluvchi yuridik shaxs bo‘lsa — uning qisqacha nomi va joylashgan yeri (Dunyo mamlakatlari tasniflagichiga muvofiq mamlakatning qisqa nomi va manzili).

Masalan:

“Mamedov Kurban Bekirovich

Turkmaniston, Ashxobod sh., Marv ko‘chasi, 30-uy”

yoki “Persepolis” LTD

Eron, Texron sh., Sepaxon ko‘ch., 45-uy”.

Agar yukni qabul qiluvchi tovarni boshqa shaxsning topshirig‘iga ko‘ra qabul qilib olayotgan bo‘lsa yoki shunga o‘xshash boshqa holatlarda grafada avval yukni qabul qiluvchining qisqacha nomi va joylashgan yeri (yuridik manzili), so‘ngra tovarni qabul qilib olish to‘g‘risida topshiriq bergan shaxsning qisqacha nomi va joylashgan yeri (yuridik manzili) ko‘rsatiladi.

Masalan:

“Persepolis” LTD

Eron, Texron sh., Sepaxon ko‘ch., 45-uy

“Traktorsozi” INC topshirig‘iga asosan

Eron, Texron sh., Firdavsiy ko‘ch., 93”.

Tovarlarni qog‘oz shaklda deklaratsiyalashda qo‘shimcha varaqlarda grafa to‘ldirilmaydi;