Tashqi iqtisodiy aloqalar moddiy, moliyaviy va intellektual boyliklarining mamlakatlar o’rtasida almashinishining turli yo’nalishlari, shakllari va vositalarini ifodalovchi yaxlit tizimdir

4.1 Zamonaviy jahon iqtisodiyoti va xalqaro iqtisodiy munosobatlar
Jahon iqtisodiyoti - bu an’anaviy (davlatlar, transmilliy kompaniyalar, xalqaro iqtisodiy tashkilotlar va b.) va eng yangi (intellektual vodiylar, jahon shaharlari, texnoparklar, virtual korxonalar va b.) tuzilmalari va ular o'rtasidagi munosabatlari mavjud bo’lgan globallashayotgan murakkab tizim.
«Jahon iqtisodiyoti» tushunchasini keng va tor ma'nolarda ko'rib chiqish mumkin. Keng ma'noda jahon iqtisodiyoti —bu barcha milliy iqgisodiyotlarni qamrab olgan bir tizim hisoblansa, tor ma'noda —bu milliy iqtisodiyotning tashqi dunyoga tovarlar, xizmatlar va iqgisodiy resurslar yetkazib beruvchi qismlarinigina qamrab oluvchi tizimdir.
Zamonaviy jahon iqtisodiy tizimi xalqaro iqtisodiy munosabatlar tizimi orqali xalqaro mehnat taqsimoti asosida global xo'jalik yurituvchi sub'ektlarning o'zaro hamkorligini anglatadi. Jahon iqtisodiyoti tizim sifatida muayyan xususiyatlarga ega: yaxlitlik, tuzilish, ierarxiya, dinamizm, tartib va umumiy maqsadning mavjudligi.
"Jahon iqtisodiyoti" tushunchasining sinonimlari "jahon xo’jaligi", «butunjahon iqtisodiyoti» hisoblanadi. Jahon iqtisodiyotining quyidagi asosiy xususiyatlari mavjud:

1. 
   Uning shakllanishi va rivojlanishining asosida milliy chegaradan tashqariga chiqadigan bozor iqtisodiyotini baynalmilallashuvning ob'ektiv qonuniyatlari yotadi.
   
2. 
   Ko’pukladli va ko’p darajali xo’jalik bo’lib, uning doirasida turli darajadagi xo'jalik yurituvchi sub'ektlar (jismoniy shaxslar va kichik biznesdan boshlab, global miqyosda faoliyat yurituvchi ko’p millatli kompaniyalargacha) o’zaro faoliyat yuritadilar.
   
3. 
   Unga sub’yektlari sonining muntazam oshishi va ularning o’z iqtisodiy manfaatlari asosida o’zaro hamkorligining o’sishi xosdir.