Tashkilotlari

Guruhlardagi rivojlanish markazlari va rivojlantiruvchi muhit uchun materiallarning namunaviy ro‘yxati
Ushbu jadvalda bolalarning yoshi bo‘yicha taqsimlanmagan, MTT guruhlaridagi rivojlanish markazlari va tashkil etilgan joy uchun uskunalar va materiallarning namunaviy ro‘yxati keltirilgan. Shuni esda tutish kerakki, ushbu ro‘yxat taxminiydir va uni to‘liq to‘ldirish shart emas. Ushbu jadval maksimal ro‘yxatni ko‘rsatadi va MTT da joy va mablag‘ yetishmasligi tufayli uni har doim ham amalga oshirish mumkin emas. Boshqa tomondan, har bir mintaqa va MTT mintaqaviy komponentning o‘ziga xos xususiyat- lariga ega, rivojlanish markazlarini jihozlashda aynan shularni e'tiborga olish tavsiya etiladi.
Mazkur jadvalda keltirilgan ma'lumotlar MTT jihozlashda uning real imkoniyatlaridan kelib chiqqan holda MTT pedagoglarining aniq tushunishlariga, shuningdek, ularni ta’lim va tarbiya jarayonida bolalar bilan birgalikdagi faoliyat bilan to‘ldirishga xizmat qiladi. Shu bilan birga, barcha materiallar bolalarning yosh imkoniyatlariga mos kelishi kerakligini esga tutish kerak.

№	Rivojlanish markazlari	Jihoz va materiallar
1.	Qurish, konstruksiyalash va matematika	Jihozlar: materiallarni saqlash uchun ochiq javonlar; polga gilam yoki palas; stol (1), stullar (2-4). Materiallar: yog‘och, plastikdan yasalgan katta o‘lchamli pol konstruktorlari; katta yumshoq modullar to‘plami; transport o‘yinchoqlari; turli yoshdagi, millat, kasb vakillarini ifodalovchi haykalchalar; hayvonlarning haykalchalari; "Lego" konstruktori to‘plami (odam figuralari bilan); asosiy detallarga ega o‘rta va kichik konstruktorlar to‘plami: kubiklar, g‘ishtchalar, prizmalar, konuslar; boshqa stol konstruktorlari (metall, magnit va boshqalar);