Adabiyot insonlarning aihiy kechinmalarini so’z orqali ifodalab kelgan san'at turidir

Abu Ali ibn Sino ham buyuk qomusiy olimdir. Uning falsafa, meditsina, astronomiya, zoologiya, botanika, beologiya, psixologiya, musiqa, axloq, mantiq, tilshunoslik, adabiyotshunoslikka oid asarlari mavjud. U badiiy ijod bilan ham shug’ullangan.

Olimning to’liq ismi Abu Ali al-Husayn ibn Abdulloh ibn al-Hasan ibn Ali ibn Sinodir. U hijriy 370- (milodiy 980) yilda Afshona qishlog’ida tug’ilgan. Bu qishloq Buxoro yaqinidadir.

Ibn Sino o’tkir qobiliyat egasi edi. U Qur’onni qiroat bilan o’qib, yodlash uchun bir yilgina vaqt sarflaydi.

Ibn Sinonlng shuhrati ko’proq tabobat ilmi bilan bog’liq. Ayniqsa, Buxoro amiri Nuh ibn Mansurni davolashda ishtirok etishi tabibning dovrug’ini oshirib yubordi. Bu paytda u 16-17 yoshlar chamasida bo’lgan. Buning evaziga u saroy kutubxonasidan foydalanish huquqini qo’lga kiritadi.

Ibn Sino Xorazmda, Jurjonda, Ray, Hamadon, Isfahonda ham yashab ijod etgan.

Ibn Sinoning eng yirik tibbiy asari «Al-Qonun fit-tib» («Tib qonunlari») kitobi bo’lib, unda olim ko’p yillar davomida olib borgan ilmiy-amaliy ishlarini yaxlit umumlashtirgandir.