«Tasdiqlayman» O`quv ishlari bo`yicha proråktor dots N. Asqarov 2009-yil

“Jahon adabiyoti” fanining tarbiyaviy maqsadi: talabalarni milliy an`analarga nisbatan hurmat va vatanparvarlik ruhida tarbiyalash.Ularga mazkur davrdagi ijodkorlar asarlaridagi eng ilg`or g`oyalar: gumanizm,erksevarlik va vatanparvarlik g`oyalarini singdirish.

“Jahon adabiyoti” fanining rivojlantiruvchi maqsadi: talabalarda jahon adabiyotidagi badiiy asarlar va ularning g`oyaviy-badiiy xususiyatlarini tahlil qilish ko`nikmalarini shakllantirish.

Mazkur dastur “Jahon adabiyoti” kursi bo`yicha jami 58 soatlik ma'ruza darslariga mo`ljallanib tuzilib, qadimgi davr G`arb adabiyoti, Yunon va Rim adabiyotlari, O`rta asrlar va Uyg`onish davri, shuningdеk XVII, XVIII , XIX va XX asr jahon xalqlari adabiyotini qamrab oladi. Dasturning maqsadi talabalarni eng qadimgi yozma adabiyotning paydo bo`lishi, adabiy janrlarning shakllanishi, qadimgi davr va O`rta asrlar yozma adabiy yodgorliklari, Uyg`onish davri adabiyoti, klassitsizm, ma'rifatchilik, romantizm, rеalizm va modеrnizm oqimlariga mansub bo`lgan adiblar, ularning asarlarida ko`tarilgan muammolar, ilgari surilgan g`oyalar bilan tanishtirishdir.

Jahon xalqlari adabiyoti bo`yicha juda katta hajmda badiiy asarlar, ko`plab mashhur adiblar borligini e'tiborga olgan holda, biz ulardan jahon adabiyoti xazinasining durdonasiga aylangan asarlarga hamda ilg`or va taraqqiyparvar adiblarning ijodiga to`xtaldik.

Dasturning har bir bo`limidan so`ng darsliklar, ilmiy hamda ommabop adabiyotlar, shuningdеk badiiy asarlar ro`yxati bеrildi.

Dastur o`zbеk filologiyasi fakultеti talabalari uchun mo`ljallangan.