Tasdiqlayman” O’quv ishlari bo’yicha prorektor Xodjaniyozov. S. U

3-daraja o’zlashtirish-ko’nikma va malakalar darajasi. Uchinchi daraja o’zlashtirshga erishgan talabalar umumiy uslubiyati va ketma-ketligi (algoritmi) mashg’ulotlarda o’rgatilgan, ammo mazmuni va bajarish shartlari yangicha bo’lgan faoliyatlarni ham bajara oladilar. Ushbu darajadagi faoliyatga fan asoslari uchun misol qilib notipik masalalarni echishni ko’rsatish mumkin. Boshqa misol siftida umummiy texnika fanlar uchun ma’lum tipdagi detallarni tayyorlash bo’yicha texnologik jarayonning umumiy uslubiyatini o’rganib bo’lgandan so’ng, ushbu tipdagi aniq detallar tayyorlash uchun talabalar tomonidan texnologik kartani tuzishni ko’rsatish mumkin. Mazkur darajadagi o’zlashtirishning ikki turini-ko’nikma va malakani farq qilish zarur.
4-daraja o’zlashtirish-ijodkorlik darajasi. Talabalarning ijodkorligi deganda, biz xuddi olim, injener-konstruktorlar singari fan va texnika sohasida hali yaratilmagan, fan-texnika taraqqiyoti uchun muhim hisoblangan yangiliklarni yaratishni emas, balki barcha mutaxassislar uchun ma’lum bo’lgan, fan-texnika qo’lga kiritgan ixtiro, kashfiyotlarni ta’lim oluvchilarning aqlzakovatlarini ishga solib ularni noma’lum yangilik sifatida qaytadan yaratishni ham tushunamiz. Talabalarning ushbu darajadagi faoliyati uchun ixtirochilik va ratsionalizatorlik, kurs va diplom proektlarida, texnikaviy to’garak mashg’ulotlarida asbob-uskunalarni takomillashtirish, rekonstruksiyalash xarakterlidir. Talabalarni ijodkorlik darajasiga chiqarish uchun ularni ko’proq mustaqil izlanishga jalb etishga o’rgatish zarur. Bu erda eng muhimi har bir talabani o’zining mavjud ijodiy imkoniyatlariga bo’lganiga ishonchini hosil qilishdir. Ushbu maqsad uchun oliy maktabda o’quv jarayoniga maxsus ijodiy topshiriqlarni kiritish, talabalarni ilmiy-tadqiqot, konstruktorlik va h.k. faoliyatlarga jalb qilish maqsadga muvofiqdir.


Savol va topshiriqlar:
1. Talabalar bilimini nazorat qilishning tarbiyaviy ahamiyati.
2. Nazorat qilish turlari.
3. Talabalar bilimlarini reyting nazorati.
4. Test va uning imkoniyatlari.
5. Testlarni turlari.
6. Talabalarni bilimini nazorat qilish va baholashda o’qituvchiga qanday talablar qo’yiladi?