Tasdiqlayman” O‘quv ishlari bo‘yicha prorektor X. Sh. Kadirov ” ” 2022-yil boshlang’ich ta’limfakulteti “Jismoniy tarbiya va sport”kafedrasi

Rejalarni tuzish, qabul qilish va ularning ijrosini nazorat qilish tartiblari
O‘zbekiston Prezidenti davlatni boshqarish, barcha faoliyatlarni sharoitlardan kelib chiqqan holda bajarish mumkin bo’lgan ishlarnigina aniq, puxta rejalashtirish, ularning bajarilishini doimiy ravishda nazorat qilib borishni vazifa qilib qo’ymoqda. Bu, o’z navbatida, O‘zbekiston Respublikasi Konstitutsiyasi va davlatni idora qilish bilan bog‘liq bo’lgan qonunlar, qarorlar, nizomlarning tarkibiy tuzilishlarida ham bayon etilgan.
O‘zbekiston Respublikasi Madaniyat va sport ishlari Vazirligi, sport jamiyatlari va ularning quyi tarmoqlarida rejalarni tuzish jarayonida quyidagi tartib va qoidalarga amal qilinadi, ya’ni:
1. O‘tgan yilda erishilgan muvaffaqiyatlar va salbiy tomonlarni hisobga olish.
2. YUqori davlat idoralari tomonidan qo‘yilgan yangi vazifalarga tayanish.
3. Respublika va xalqaro sport harakatidagi ilg‘or tajribalarni qo’llash.
4. Jismoniy tarbiya va sport bilan shug‘ullanuvchilar sonini oshirish, «Alpomish» va «Barchinoy» maxsus test Nizomlarini ko’paytirish, yuqori malakali va razryadli sportchilarni tayyorlash, mutaxassis xodimlar, jamoatchi faollar tayyorlashni yaxshilash, sport inshootlarini kengaytirish va boshqa muhim ko’rsatkichlarni rejalashtirishda aniq imkoniyatlarni hisobga olish kerak bo’ladi. SHuningdek, sport tadbirlarining kalendar rejalarini tuzishda Xalqaro sport musobaqalarining turlari, unda ishtirok etish zarur bo’lgan sport turlari, o’tkazilishi vaqti, joylari va hokazolarni ham chuqur o’rgangan holda inobatga olishni taqozo etadi.
Tuzilgan rejalar yuqori idoralarning kollegiyalari (hay’at) va quyi tashkilotlarning faollar yig‘ilishida muhokama qilinib, zarur bo’lsa tuzatishlar kiritiladi va ovoz berish yo’li bilan qabul qilinadi. Uni raislar va rahbarlar rasman tasdiqlashi lozim bo’ladi.
Rejalarning bajarilishini nazorat qilish sport tashkilotlaridagi tashkiliy va rejalashtirish bo’limlari, rahbar xodimlar uyushtirgan maxsus komissiyalar tomonidan belgilangan vaqtda hamda zaruriyat paydo bo’lganda amalga oshirilishi mumkin. Nazorat qilish, tekshirish jarayonlarida quyi jamoalarga amaliy yordam berish, yo’l-yo’riqlar ko’rsatish zarurdir. Barcha tadbirlarni avvaldan ko’ra bilish (prognoz-bashorat qilish) muhim ahamiyatga egadir. Buning uchun esa tadqiqot o’tkazish va me’yorlarni belgilash taqozo etiladi. Bu vazifalarni ado etish uchun rahbar sport tashkilotlari, jismoniy tarbiya bilan bog‘langan turli vazirliklar, idoralar o’z tadbirlarini belgilaydilar. Bunda sharoitlar, ilg‘or tajribalar, fan yutuqlari inobatga olinadi.