Tasdiqlayman” O‘quv ishlari bo‘yicha prorektor “tasdiqlayman” O‘quv ishlari bo‘yicha prorektor

Nazorat savollari

1. 
   Mahsulot nima va uning qanday turlarini bilasiz?
   
2. 
   Mahsulot sifati deganda nimani tushunasiz?
   
3. 
   Sanoat mahsulotlarining qanday turlarini bilasiz?
   
4. 
   Mahsulot sifatining ko‘rsatkichlari va ularni baholashning qanday usullari mavjud?
   
5. 
   Mahsulotlar sifatining ko‘rsatkichlari deganda nima tushuniladi?
   
6. 
   Sifat halqasini nima va unga misol keltiring?
   
7. 
   Mahsulot sifatini nazorat qilishni tushuntiring?
   
8. 
   Sanoat mahsulotlari qanday tasniflanadi?
   

3-Mavzu. SANOAT MAHSULOTLARI SINIFLANISHI,SIFATINI PUTUR ETKAZMASDAN NAZORAT QILISH

3.1. Sanoat mahsulotlari sifatini putur etkazmasdan nazorat qilish usullarining qo‘llash afzalliklari

Bugungi kunga kelib amaliyotda putur etkazmasdan nazorat qilishni (PEN) qo‘llash bir qator afzalliklarga, qolaversa iqtisodiy samaradorliklarga ega ekanliklari ko‘pchilik hollarda tasdiqlanmoqda.

Masalan:

1. Er ostidan o‘tkazilgan quvurlardagi nosozliklarni bartaraf etishda PEN qo‘llash bilan faqat kerakli joylarda ta’mirlash ishlari o‘tkaziladi va bu bilan bir qator mablag‘lar tejalishiga erishiladi.

2. Er ustidagi qurilish inshoatlarida PEN o‘tkazish, ularni avariya tufayli buzilishidan yoki ularni ataylab buzib, yangitdan tiklashga nisbatan ancha kam mablag‘ talab etiladi. Bunda faqatgina iqtisodiy samaragina emas, balki insonlarning hayot xavfsizliklari ham muhofaza qilinishligi ham ahamiyatlidir.

3. Qurilish inshoatlari, temir yo‘l ko‘priklari, er osti va er usti kommunikatsiyalari va shularga o‘xshash ob’ektlarni ma’lum yillar intervallarida PEN ko‘rigidan o‘tkazib turish, ulardan foydalanishning xavfsizligini ta’minlashi va shuningdek zaruriy ta’mirlash ishlarini o‘z vaqtida o‘tkazilishini, bular natijasida falokat tufayli ko‘rilishi mumkin bo‘lgan talofatlarni oldi olinishi mumkinligini ta’kidlaydi.

Bugungi kun muxandislari zamonaviy texnologiya va texnikadan foydalanishga, texnologik jarayonlar avtomatik boshqaruvini joriy etishga, jahon bozorida raqobatbardosh bo‘lgan, yuqori sifatli mahsulotlar ishlab chiqarishni jadallashtirishga xizmat qilishlari kerak. Ular oldida fan-texnikaning eng so‘ngi yutuqlarini ishlab chiqarishga olib kirishdek mas’uliyatli vazifa turibdi.

Har bir putur etkazmasdan nazorat qilish qurilmasini samarali ishlashi, uning universalligi, qo‘yilgan vazifani bajarishda erishiladigan ekspluatatsion va metrologik xarakteristikalariga, hamda xizmat qiluvchi shaxslar uchun xavfsiz mehnatni tashqil qilishi bilan belgilanadi.