Tasdiqlayman” O'quv ishlari bo'yicha prorektor S. Xodjaniyozov

I.Motivatsiya –bu shaxs hatti –harakatini yuzaga keltiruvchi ichki harakatlantiruvchi kuch, hissiyot bo‘lib, pedagog uni boshqarishga harakat qiladi va o‘quv jarayonini tashkil etish uchun hisobga oladi.
Didaktik jarayonning motivatsion bosqichi talabalarni bilish faoliyatiga kirishib ketishini tezlashtirishga imkon beradi. Bu faoliyatni kerakli faollik darajasida ushlab turish uchun uni tashkil etish metodlarini tanlay olishi kerak.
2. Pedagogik jarayon bilan shug‘ullanuvchi har bir kishiga ma’lumki, bilimlarni o‘quvchilar (talabalar) tomonidan o‘zlashtirishi xususiy o‘quv faoliyati (psixologlar tilida –bilish faoliyati) natijasi tufayli ro‘y beradi. Psixologlar bu faoliyat turini keng qamrovda o‘rganib chiqdilar va uning bilim, harakatlarni egallashga olib keladigan turli ko‘rinishdagi tizimini aniqladilar. Bu yondoshishlarning tahlili shuni ko‘rsatadiki, har qanday o‘quv faoliyati (O‘F) ning umumiy sxemasi bo‘yicha quriladi va o‘zida yo‘naltiruvchi (Yh) (mo‘ljalli), bajaruvchi, (Bh) nazorat qiluvchi (N) va tuzatuvchi (tuz) harakatlarini mujassamlashtiradi. Uning ramziy formulasi: O‘F=Ix+Bx+N+Tuz.
Didaktik jarayonning so‘nggi tarkibiy qismi – o‘quv - bilish faoliyatini boshqarish. SHuni qayd etish joizki, har qanday o‘quv faoliyatini boshqarish imkoniyati mavjud. Bu tizim ikkita ob’ektdan-boshqaruvchi va boshqariluvchidan iborat bo‘ladi. Agar didaktik jarayonda o‘qituvchi boshqarish ob’ekti bo‘lsa, o‘quvchilar-boshqarish ob’ektidir. Didaktik jarayon u yoki bu texnik vositalardan ta’lim mazmuniga mos holda uzluksiz qo‘llashni taqozo etgan. Bu yo‘nalish PTning mavjudlik shartlaridan biridir.
Milliy g‘oya fanini o‘qitishda didaktik jarayon bosqichlarini muayyan ketma-ketlikda qurish bu - o‘quvchi-talabalarning bilish faoliyatini mavzu bo‘yicha belgilangan maqsadga mos holda tanlangan o‘qitish usullari yordamida tashkil etish demakdir. O‘qitish metodlari o‘z mohiyati va mazmuniga ko‘ra ma’lum pedagogik texnologiyaga asoslangan hamda muayyan tasnifga ega bo‘ladi. Uning samaradorligi haqida fikr yuritilganda o‘qitish jarayonini izga solib, uni maqsadli yo‘naltira oladigan, o‘qituvchi va talabaning o‘zaro faoliyatini ta’minlash asosida maktab (kasb-hunar kollejlari, oliy o‘quv yurtlari) oldiga qo‘yilayotgan maqsadga nechog‘li erishilayotganini ko‘zda tutish kerak.