Tasdiqlayman” O′quv ishlari bo′yicha prorеktor A. U. Mirisayev

Fanning maqsad va vazifalari

Respublikamizda ta′limni takomillashtirish borasida olib borilayotgan ishlar Kadrlar tayyorlash milliy dasturi talablari asosida mazmun jihatidan yangi o′quv dasturlari va darsliklar yaratishga qaratilmoqda. Davlat tili maqomiga ega bo′lgan o′zbek tilini o′qitishni ham bugungi davr talablariga javob beradigan darajaga yetkazish ana shunday muhim vazifadir.

Mustaqil davlatimizda o′zbek tilining ijtimoiy mavqeyi tobora ortib borayotgani, lotin yozuviga asoslangan yangi o′zbek alifbosi va imlo qoidalarining joriy etilganligi, ish yuritishda to′liq davlat tiliga o′tilayotganligi barcha mutaxasislarning millatidan qat′i nazar, o′zbek tilini puxta egallashlarini taqozo etmoqda. Shuningdek, uzluksiz ta′limning barcha bosqichlarida, jumladan, oliy o′quv yurtlarida o′qish boshqa tilda olib borilayotgan guruhlarida ham o′zbek tilini o′rgatish yo′lga qo′yildi. Shunga ko′ra, universitet va insitutlarda o′zbek tilini davlat tili sifatida o′rgatishga qaratilgan ushbu o′quv dasturi tuzildi.

Dasturning asosiy maqsadi talabalarning o′zbek tilidan egallagan bilim va ko′nikmalarini mustahkamlash va yanada kengaytirish, tanlagan ixtisosliklari doirasida davlat tilini puxta bilishlariga yordamlashish, nutqlarini kasbiy atamalar bilan boyitish, o′zbek tilidan yuqori darajada nutqiy savodxonlikni ta′minlashga erishishdir. Ushbu jihatdan dastur o′qituvchi va talaba oldiga qator vazifalarni qo′yadiki, bular mutaxassisning kundalik mehnat faoliyati hamda turmushida zarur bo′lgan nuqtiy mavzularda o′zbek tilida mustaqil so′zlay olishlari va yozishlari, ixtisoslikka oid turli nutq uslublarida matn tuza olishi, uni o′zgartira bilish malakalarini shakllantirishni ko′zda tutadi. Dasturni tuzishda ana shunga e′tibor bergan holda muayyan nuqtiy mavzular doirasida zaruriy grammatik bilimlarni berish, ixtisoslik doirasida og′zaki va yozma nutqni o′stirish, turlicha tipdagi matnlarni erkin tuza olish malakalarini o′stirish vazifasi qo′yilgan.

Dasturni tuzishda oliy ta′limda davlat tilini o′qitishning zamonaviy texnologiyasi inobatga olindi hamda talabalarning akademik litsey va kollejlarda o′zbek tilidan egallashlari shart bo′lgan bilimlar ko′lami va darajasiga asoslanildi.