«tasdiqlayman» «Mashinasozlik texnologiyasi» fakulteti dekani m-a. Eshonov 2017 y. «Himoyagaqo’yildi

Bitiruv malakaviy ishining maqsadi- iqtisodiyotni modernizatsiyalash sharoitida sanoat korxonalarida ishlab chiqarish va sotish rejasini ta’minlash mexanizmini takomillashtirish, uning tashkiliy-iqtisodiy asoslarini yaratish, “Andijondonmahsulot” AJda mahsulotlarni ishlab chiqarish uchun belgilangan ishlab chiqarish rejasi hamda sotish hajmini bajarilish dinamikasini baholash bilan birga kelgusida ushbu korxonada belgilangan ishlab chiqarish rejasini bajarilishini takomillashtirishga qaratilgan tavsiyalar ishlab chiqishdan iborat.
Ushbu maqsadlarga erishish uchun quyidagi vazifalarni bajarish belgilangan:

• 
  Sanoat korxonalarida boshqaruv tizimi va rejalashtirishning uyg’unligi;
  
• 
  Mahsulot ishlab chiqarish va sotish rejasining mazmuni va nazariy asoslari;
  
• 
  “Andijondonmahsulot” AJda ishlab chiqarish rejasining ilmiy asoslanganligi tahlili;
  
• 
  “Andijondonmahsulot” AJda ishlab chiqarish hamda sotish rejasi va uning bajarilish dinamikasini baholash ;
  
• 
  “Andijondonmahsulot” AJda ishlab chiqarish hamda sotish rejasi bajarilishiga ta’sir etuvchi ichki va tashqi omillar tahlili ;
  
• 
  “Andijondonmahsulot” AJda ishlab chiqarish va sotish rejasini takomillashtirish yo’llari;
  
• 
  Korxonada mahsulot ishlab chiqarish jarayonida mavjud resurslardan samarali foydalanish imkoniyatlari.
  

Tadqiqotning ob’yekti: Andijon viloyati, “Andijondonmahsulot” AJ sanoat korxonasi hisoblanadi.
Bitiruv malakaviy ishining predmeti - “Andijondonmahsulot” AJ sanoat korxonasida ishlab chiqarish va sotish rejasini bajarilish dinamikalarini baholash, uni takomillashtirishning tashkiliy-iqtisodiy asoslarini ishlab chiqishdan iborat.
Bitiruv malakaviy ishining nazariy va uslubiy asoslari - sanoat korxonalarida ishlab chiqarish va sotish rejasini takomillashtirishga qaratilgan O’zbekiston Respublikasi Qonunlari, Prezident Farmonlari va Qarorlari, Vazirlar Maxkamasining qarorlari, Prezident asarlari, nutq va ma’ruzalari, mamlakatimiz hamda xorijiy olimlarning ilmiy ishlanmalari, darslik va o’quv qo’llanmalari, internet tizimi ma’lumotlari, “Andijondonmahsulot” AJning reja iqtisod hamda buxgalteriya bo’limlari ma’lumotlari, korxonaning iqtisodiy ko’rsatkichlari hisoblanadi.