«tasdiqlayman» «Mashinasozlik texnologiyasi» fakulteti dekani m-a. Eshonov 2017 y. «Himoyagaqo’yildi

Ishlab chiqarish jarayonlari texnologiya talablariga qat’iy rioya qilgan holda tashkil etildi. Kadrlar malakasi tinmay oshirib borildi. 1967- yil may oyining uzoq davom etgan yog’ingarchiligidan so’ng, ro’y bergan suv toshqini paytida, vaqt bilan, sharoit bilan hisoblashmasdan chora tadbirlar ko’rib, xalqning rizq-ro’zi bo’lgan don mahsulotlarini saqlab qolishga erishildi.

1969-yil 25-dekabrdan kombinatni o’rtoq Shoyunusov Sh.A. boshqardi. Bu davrda ishlab chiqarish quvvati oshdi, mahsulot sifati yaxshilandi. Shu davrda shahardagi 6-chi un zavodi faoliyati to’xtatildi. U yerda ishlayotgan mutaxassislar Andijon kombinatiga ishga o’tkazildi.

1-iyul 1975-yildan kombinatga A.Ishanqulov direktor etib saylandi. Bu davrda ishlab chiqarish takomillashdi, rivojlandi, mehnat samaradorligi oshdi, ishchi xodimlarga sharoitlar yaratish ancha yaxshilandi.

1975-yilda «Andijondonmahsulot» boshqarmasi tashkil etildi, boshqarma boshlig’i etib A.S. Galustyan saylandi. «Andijondonmahsulot» boshqarmasi tasarrufiga viloyatdagi don mahsulotlari korxonalari kirib, boshqarma bu korxonalarni boshqarib bordi.

1-dekabr 1977-yildan kombinatga o’rtoq M. Akbarov rahbarlik qildi. Bu vaqt mobaynida ham korxona belgilangan rejalarni o’z vaqtida bajarib bordi.

1979-yil 9-oktyabrdan Andijon «Melkombinat»iga A.S. Galustyan direktorlik qila boshladi. «Andijondonmahsulot» boshqarmasi boshlig’i etib N.P. Pak saylandi va bu lavozimda 1-noyabr 1988-yilga qadar ishladi.

A.S. Galustyan rahbarlik qilgan vaqt mobaynida korxonada ishlab chiqarish oshirildi, mahsulot sifatini yaxshilash bo’yicha bir qancha ishlar amalga oshirildi. Temir yo’l vagonlaridan donni tushirishga mo’ljallangan yangi qurilma ko’rib bitkazildi. Tez orada ikki qavatli, shinam ma’muriyat binosi qad rostladi. Korxona ishchi xodimlari bir necha bor shahar va viloyat ilg’or korxonalari musobaqasida g’olib chiqib, ko’chma bayroq, yengil avtomashina va boshqa mukofotlarga sazovor bo’lishdi.

1984-yil 23-maydan kombinat rahbarligini Yusupov K. boshqardi. U rahbarlik qilgan davrda tegirmon quvvati sutkasiga 240 tonna un ishlab chiqarishdan 350 tonnaga yetdi. Omuxta yem ishlab chiqarish sexi quvvati sutkasiga 130 tonna o’rniga 300 tonnadan oshib ketdi. Mehnat jamoasining samarali ishlashi uchun korxonada barcha qulayliklar yaratildi.