Tasdiqlayman” Maktab direktori: M. Omonova

II. Умумтаълим мактабларининг алоҳида ички назоратига олинган ўқувчилар билан тушунтириш ишларини олиб бориш.
Мазкур ўқувчилар билан тушунтириш ишлари олиб боришни қуйидаги тартибда амалга ошириш мақсадга мувофиқ.
Ўқувчиларнинг ушбу рўйхатга олингалигини ўзига ва тенгдошларига ошкор қилмаган ҳолда профилактик тадбирларни амалга ошириш ва уларга назоратчи-педагоглар бириктириш;
Уларни бўш вақтларини мазмунли ташкил этиш мақсадида мактабдаги қизиқишлари бўйича ва фан тўгаракларига жалб этиш;
Назоратчи-педагоглар томонидан ўқувчиларни рўйхатга олинишига сабаб бўлган хатти-ҳаракатларини такрорланишини олдини олишга қаратилган профилактик тадбирларни амалга ошириш. Бунда

• 
  Диний таълимга мойиллиги бўлган ўқувчиларнинг дин ҳақидаги тушунчалари ва дунёқарашларини ижобий томонга ўзгартириш мақсадида мазкур ўқувчилар ва уларнинг ота-оналари билан якка тартибда тушинтириш ишларини олиб бориш;
  
• 
  Уларга Ўзбекистон Республикасининг «Виждон эркинлиги ва диний ташкилотлар тўғрисида»ги Қонуни талабларини тушунтириш;
  
• 
  Ҳуқуқбузарликка мойил ўқувчилар ва уларнинг ота-оналари ўртасида «Вояга етмаганларнинг ҳуқуқ, бурч ва масъулиятлари», «Вояга етмаганларнинг жиноий жавобгарликлари», «Фарзанд тарбиясига салбий таъсир кўрсатувчи омиллар ва уларни олдини олишда ота-оналарнинг роли», «Диний экстремизм – ёшлар келажагига таҳдид», «Соғлом авлод – миллат келажаги» мавзуларида соҳа мутахассисларини жалб қилган ҳолда давра суҳбатларини ташкил этиш;
  
• 
  Ўқувчиларнинг дарсларга мактаб «Устави»да белгиланган ўқувчилар формасида, дарс жадвалида кўрсатилган дарсликлар ва тегишли ўқув-қуроллари билан келишини назорат қилишга алоҳида эътибор қаратиш лозим.
  

Маҳалла фаоллари билан ҳамкорликда ушбу ўқувчиларнинг ота-оналари ёки уларнинг ўрнини босувчи шахсларнинг бола тарбиясидаги масъулиятини оширишга қаратилган ҳамкорлик ишларини амалга ошириш:

• 
  Фарзанди тарбиясига салбий таъсир кўрсатаётган, уларни мактабга боришига тўсқинлик қилаётган ноқобил ота-оналар тўғрисида маҳалла фуқаролар йиғинларига маълумот киритиш ҳамда уларни фаоллар ўртасида муҳокама қилиниши устидан жамоатчилик назоратини ўрнатиш.
  
• 
  Ота-оналар ёки уларнинг ўрнини босувчи шахслар томонидан болаларни тарбиялаш борасидаги мажбуриятларни бажармаслик ҳамда умумий таълим олишларини таъминламаслик ҳолатлари кузатилганда уларни ўрнатилган тартибда жавобгарликка тортиш учун ҳуқуқни муҳофаза қилувчи органларга таклиф киритиш;
  
• 
  Кўрилган чоралар самара бермаган ҳолда уларни ота-оналик ҳуқуқидан маҳрум қилиш бўйича вояга етмаганлар ишлари бўйича комиссияларга мурожаат қилиш.
  

Шунингдек, ўқувчиларнинг оилавий шароитларини, оиладаги ижтимоий-маънавий муҳитни ўрганиш мақсадида синф раҳбарлари томонидан «Менинг оилам», Иқтисод фани ўқитувчиси томонидан «Оиламиз бюджети», Миллий истиқлол ғояси ва маънавият асослари туркумидаги фанлардан дарс берувчи ўқитувчи томонидан «Менинг Ватаним» мавзуларида дарсдан ташқари ижодий баён ва иншолар олиш мақсадга мувофиқ.

“TASDIQLAYMAN”

Jizzax viloyati Sh.Rashidov tumani 47-umumta’lim maktabi direktori:_________________M.Omonova

2017-yil 21-noyabr