Tasdiqlayman” Farg’ona pedagogika kolleji O`ibd o`rinbosari O. Tuychibayeva

Baliq tangachalari va suyaklaridan buyum yasash.Baliq suyaklaridan ham tabiiy xomashyo sifatida turli xil applikatsiya ishlarini amalga oshirishda foydalanish mumkin. Baliq suyaklaridan bajariladigan applikatsiya ishlari hammani o'ziga rom etmasdan qolmaydi. Bunday applikatsiya ishlarini bajarishdan oldin baliq suyaklari quyidagicha tayyorlanib olinadi. Baliqlaring tangalaridagi shilimshiqni ketkazish uchun avval issiq, so'ngra sovuq suvda yaxshilab yuvish, gazeta yoki taxta ustiga quritish uchun yoyib qo'yish kerak. Baliqning tangasi quritilganda buralib ketadi, shuning uchun ustiga faner yoki qalinroq karton qo'yib, narsa bostirib qo'yish lozim. Quritilgan baliq suyaklaridan tabiat manzaralari, qushlar, naqsh kompozitsiyalari, gullarni tasvirlash mumkin. Baliq suyaklari bilan ishlaganda faqat ijodkorlik, yaratuvchilik, qobiliyat talab qilinadi. Bunda hech qanday asbob kerakmas. «PVA» yelimidan foydalaniladi, xolos. Suyaklarni ehtiyotkorlik bilan yopishtirish lozim. Tayyor applikatsiyalarni akvarel bo'yog'i yoki guash yordamida bo'yash mumkin. So'ngra RF283 rangsiz lak orqali laklanib, qotiriladi.

Qushlar patidan buyum yasash. Qushlarda katta qanot pati, tanalarini qoplaydigan pat, par bo'ladi. Oq patlarni turli ranglarga bo'yash qiyin emas. Rangli patlardan tabiiy ko'rinishda foyda­laniladi. Patlarni bo'yashdan oldin yog' va boshqa narsalardan tozalanadi. Buning uchun uni 10 foizli sovun eritmasiga solib qo'yiladi. Agarda patlarni bog'lam qilib eritmaga solinsa va eritma qaynash darajasigacha isitilsa, yanada yaxshiroq bo'ladi. Patlar ortiqcha qizib ketmasligi uchun uni eritmadan bir necha marta olib sovitiladi va yana eritmaga solinadi.