“тасдиқланган”

2-боб. МЕТРОЛОГИЯ МАРКАЗИНИНГ ЮРИДИК МАҚОМИ 
 
9. Метрология маркази – давлат мулкидаги, ўзига тезкорлик билан 
бошқариш учун берилган мулк негизида ташкил этилган давлат унитар корхонаси 
шаклидаги тижорат ташкилотидир. У ўзига бириктирилган мулкдан қонунда 
белгиланган доирада, ўз фаолияти мақсадларига, Муассиснинг топшириқларига 
ҳамда эгалик қилиш ҳуқуқидаги мулкнинг мақсадига мувофиқ мулкдан 
фойдаланишни ва уни тасарруф этишни амалга оширади. 
10. Метрология маркази ўз фаолиятида Ўзбекистон Республикаси 
Конституцияси, қонунлари, Ўзбекистон Республикаси Президенти фармонлари ва 
қарорлари, Вазирлар Маҳкамасининг қарорлари ва фармойишлари, Муассиснинг 
қарорлари ва буйруқларига ҳамда мазкур Устав ва бошқа норматив-ҳуқуқий 
ҳужжатларга амал қилади. 
11. Метрология маркази қонун ҳужжатларида белгиланган тартибда ўз 
номидан мулкий ва шахсий номулкий ҳуқуқларни олиши ва амалга ошириши, 
мажбуриятлар олиши, судда даъвогар ва жавобгар бўлиши мумкин. 
12. Метрология марказида Муассис томонидан тасдиқланган ташкилий 
тузилмага асосан бўлимлар ва бошқа тармоқлар фаолият кўрсатади. 
13. Метрология маркази бошқа давлат корхонасининг муассиси бўлишга 
ҳақли эмас.
14. Метрология маркази ўз фаолияти юзасидан Муассис олдида ҳисобот 
беради.
15. 
Метрология 
маркази 
фаолияти 
Муассис 
томонидан 
мувофиқлаштирилади. 
16. Метрология маркази алоҳида мол-мулкка, мустақил балансга, банк ҳисоб 
рақамларига, шу жумладан, валюта ҳисоб рақамларига, Ўзбекистон Республикаси 
Давлат герби тасвири туширилган ўзининг корхона номи давлат тилида ёзилган 
муҳрига эга бўлади. 
17. Метрология маркази ўз номи ва жойлашган манзили кўрсатилган 
штамплари ва бланкаларига, шахсий тимсоли (логотип), шунингдек, ўрнатилган 
тартибда рўйхатга олинган товар белгиси ва бошқа юридик шахсни 
идентификациялашга оид воситаларга эга бўлишга ҳақли. 
18. Метрология маркази давлат рўйхатидан ўтказилган пайтдан бошлаб 
юридик шахс мақомига эга бўлади.