Тасдиқланган шнқ

 
1. 
Терминлар ва таърифлар 
Ушбу бўлимда қуйидаги терминлар билан мос таърифлари қўлланилган:
баланд бино: баландлиги 50 м. дан юқори бўлган бино. Бинонинг 
баландлиги – бинога энг яқин жойлашган қатнов йўли юзасидан энг юқори 
қаватнинг, техник қаватдан ташқари пол нуқтасининг юқорисигача бўлган 
масофа. 
баланд комплекс: меъморий-режалаштириш ечимлар орқали (умумий 
ерости ёки стилобат қисмига, бирлаштирувчи ўтиш жойларига ва шу кабиларга 
эга бўлиши мумкин) бир-бири билан ўзаро боғланган икки ва ундан ортиқ турли 
баландликдаги бинолар гуруҳи (камида битта баланд бинони ўз ичига олади).

---

ёнғин хавфсизлиги пости: ёнғин автоматик воситаларининг холатини 
назорат қилиш қурилмалари билан жиҳозланган, навбатчи ходимлар туну-кун 
бўладиган объектнинг махсус хонаси. 
ёнғиндан ҳимоя бўлмаси: бинонинг бошқа қисмларидан ёнғинга қарши 
деворлар ва ораёпмалар (тўсиқлар) билан ажратилган ёнғин бардошлилик 
даражаси REI 180 га тенг бўлган баланд бинонинг бир қисми. 
қаватнинг майдони: ёнғин тарқалишини олдини олитшга хизмат қиладиган 
ёнғинга қарши тўсиқлар билан ажратилган бинонинг бир қисми. 
одамлар кўп йиғиладиган хона: хона майдони 50 кв.м ва ундан ортиқ 
бўлган полининг ҳар 1 кв. м га одам сони бир кишидан кўп ҳисобланадиган 
одамлар доимий ёки вақтинча бўлиб турадиган хона, шу жумладан вестибюллар, 
фойе, турли мақсадларга мўлжалланган заллар, маъруза аудиториялари, 
ресторанлар, дўконлар ва шу кабилар. 
хавфсизлик зонаси (хонаси): берилган вақт давомида (ёнғин 
бошланишидан бошлаб қутқарув ишлари якунлангунига қадар) ёнғин 
бардошлилик даражаси REI 180 га тенг бўлган ёнғинга қарши ораёпмалар
ва ёнғинга қарши деворлар билан ажратилган бино, иншоот, ёнғиндан ҳимоя 
бўлмасининг бир қисми.
тамбур: совуқ ҳаво, тутун, турли ҳидлар киришидан ҳимоялаш учун хизмат 
қиладиган эшиклар оралиғидаги ўтиш жойи; бино, хона, зина катакларига 
кираверишда ташкил қилинади.