Тасдиқлайман” Ўзбекистон федерацияси раиси

“ТАСДИҚЛАЙМАН” Ўзбекистон федерацияси раиси ________ ____________С “___”________2019 йил

“КЕЛИШИЛДИ” Ўзбекистон Республикаси жисмоний тарбия ва спорт вазирининг биринчи ўринбосари ____________ ____________ “___”________2019 йил

_____________________ бўйича Ўзбекистон чемпионатининг
(олий таълим муассасаларига тест синовлари ва қўшимча имтиҳонларсиз кириш ҳуқуқини берувчи)
НИЗОМИ


Тошкент – 2019
1-боб. Умумий қоидалар

1. 
   Мазкур Низом Ўзбекистон Республикаси Вазирлар Маҳкамасининг 2008 йил
   13 октябрдаги 226-сонли “Ўзбекистон иқтидорли ёшларини тақдирлаш ва моддий рағбатлантириш тўғрисида”ги қарори билан тасдиқланган Халқаро ва республика олимпиадалари, танловлари, мусобақалари ғолиблари бўлган академик лицейлар, касб-ҳунар коллежлари ва умумтаълим мактаблари ўқувчиларини тақдирлаш тартиби тўғрисидаги низом талабларини амалга ошириш мақсадида ишлаб чиқилган ҳамда академик лицейлар, касб-ҳунар коллежлари ва умумтаълим мактабларининг (кейинги ўринларда таълим муассасалари деб юритилади) жорий ўқув йилидаги битирувчиларига нисбатан татбиқ этилади.
   
2. 
   Мусобақада Қорақалпоғистон Республикаси, Тошкент шаҳар
   ва вилоятларда спорт тури бўйича таълим муассасалари ўқувчилари ўртасида ўтказилган мусобақада ғолиб ва совриндор бўлган спортчилар иштирок этади.
   
3. 
   Мусобақа халқаро спорт федерацияси (уюшма ва бошқалар) томонидан ўрнатилган қоидаларга ва Ўзбекистон Республикасида амалда бўлган мусобақа қоидаларига кўра ўтказилади ва ҳакамлар ҳайъати томонидан баҳоланади. Мусобақани ўтказиш учун ҳакамлар ҳайъати таркиби Ўзбекистон Республикаси Жисмоний тарбия ва спорт вазирлиги ва ташкилотчилар томонидан тасдиқланади.
   
4. 
   Мусобақа Ўзбекистон Республикаси Вазирлар Маҳкамасининг
   2008 йил 13 октябрдаги 226-сон “Ўзбекистон иқтидорли ёшларини тақдирлаш
   ва моддий рағбатлантириш тўғрисида”ги қарорига мувофиқ ўтказилади.
   
5. 
   Мазкур мусобақаларда Олий таълим муассасаларини битирган ва ўқиётган
   ўқувчи-спортчиларни иштирок этишига йўл қўйилмайди.