Тасдиқлайман” Ўзбекистон федерацияси раиси

8-боб. Мусобақа шартлари ва ғолибларни аниқлаш

19. 
    Мусобақалар шартлари халқаро спорт федерациялари (уюшмалар) томонидан ўрнатилган қоидаларга ва Ўзбекистон Республикасида амалда бўлган мусобақа қоидаларига асосан мусобақаларни бевосита ташкил этиш ва ўтказишга жавобгар бўлган ташкилотчилар томонидан белгиланади.
    
20. 
    Мусобақа ғолиб ва совриндорлари халқаро спорт федерациялари (уюшмалар) томонидан ўрнатилган қоидаларга ва Ўзбекистон Республикасида амал қилган спорт турлари бўйича мусобақа қоидаларига асосан Жисмоний тарбия ва спорт вазирининг буйруғи билан тасдиқланган мусобақанинг Бош ҳаками
    ва ҳакамлар ҳайъати томонидан аниқланади.
    

9-боб. Ғолиб ва совриндорларни тақдирлаш

21. 
    Мусобақада I, II, III ўринларни эгаллаган спортчилар Ўзбекистон Республикаси Жисмоний тарбия ва спорт вазирлигининг диплом, медаль
    ва эсдалик совғалари билан тақдирланадилар.
    
22. 
    Умумжамоа натижалари бўйича I, II, III ўринни эгаллаган терма жамоалар дипломлар билан тақдирланадилар.
    

10-боб. Мусобақани молиялаштириш

23. 
    Мусобақани молиялаштириш 2019 йилги спорт ва оммавий жисмоний тарбия тадбирлари календарь режасига мувофиқ, Жисмоний тарбия ва спорт вазирлиги, ташкилотчилар ва ҳомий ташкилотлар маблағлари ҳисобидан амалга оширилади.
    
24. 
    Мусобақа иштирокчилари, тренерларнинг овқатланиши, ётоқхона
    ва йўл харажатлари сафарга юборган ташкилотлар томонидан қопланади.
    

11-боб. Талабномаларни тақдим этиш ва рўйхатдан ўтиш

25. 
    Мусобақада иштирок этиш учун терма жамоалар мусобақа бошланишидан
    10 кун олдин, мусобақа ташкилотчиларига талабномаларни тақдим этадилар.
    
26. 
    Мусобақа иштирокчилари ҳакамлар ҳайъатига қуйидаги ҳужжатларни тақдим этишлари талаб этилади:
    

жорий ўқув йилида ўқиётган таълим муассасасидан маълумотнома;
шахсини тасдиқловчи ҳужжат (туғилганлиги тўғрисида гувоҳнома ёки паспорт);
тиббий кўрикдан ўтганлигини тасдиқловчи ҳужжат (врач имзоси ва муҳри билан);
суғурта варақаси;
мусобақа иштирокчиларининг рўйхати (мусобақага юборувчи ташкилот раҳбари томонидан имзолаган ва муҳрланган);
минтақалар бўйича ўтказилган ҳудудий босқич мусобақасининг баённомаси.