Тасдиқлайман” “Умумий педагогика” кафедраси мудири Д. И. Рўзиева 27. 09. 2019 йил

“Тасдиқлайман”
“Умумий педагогика” кафедраси мудири
______________ Д.И.Рўзиева
27. 09. 2019 йил
5А110901 – Педагогика назарияси ва тарихи (андрагогика), 5А110903 – Таълим муассасаларини бошқариш мутахассисликлари фанларидан курс ишларини бажариш ва ҳимоя қилиш бўйича
КЎРСАТМА

Курс ишини ёзишдан мақсад магистрантларнинг эгаллаган билим, кўникма ва малакаларини чуқурлаштириш, бойитиш ҳамда амалиёт билан боғлай олишларига эришишдир.

Курс ишини ёзиш тартиби

1. 
   Курс иши мавзуси ва илмий раҳбарни танлаш.
   
2. 
   Илмий раҳбардан мавзу бўйича онлайн маслаҳатлар олиш.
   
3. 
   Илмий раҳбар кўрсатмасига асосан адабиётларни ўрганиб чиқиш ва таҳлил этиш.
   
4. 
   Ўрганилган адабиётлар асосида курс иши режасини тузиш ва илмий раҳбар тасдиғидан ўтказиш. (Режа тузиш тартиби илова қилинади. 1-иловага қаранг)
   
5. 
   Курс ишининг титул қисми белгиланган тартибда расмийлашти-рилади. (2-илова).
   
6. 
   Режанинг кириш қисмида мавзунинг долзарблиги, ўрганилиш даражаси, объекти, предмети, мақсад ва вазифалар, амалий аҳамияти, ишнинг тузилиши кўрсатилиши шарт.
   
7. 
   Режа масалаларинини кетма-кетликда баён этиш ва ҳар бир масала-дан сўнг қисқа хулоса бериш. Режа масалаларини баён этаётганда адабиёт-лардан фойдаланишда белгиланган тартибда сноска келтириш.
   
8. 
   Режадаги барча масалалар баён этиб бўлингач, умумий хулоса қилинади.
   
9. 
   Агар илова қилинадиган иллюстрациялар, методикалар мавжуд бўлса, хулосадан сўнг берилади.
   
10. 
    Курс ишининг умумий ҳажми 30 бетни ташкил этиши керак.
    
11. 
    Курс ишининг адабиётлар рўйхати белгиланган тартибда расмийлаштирилиши шарт (3-илова).
    
12. 
    Курс иши тўлиқ тугатилгандан сўнг, фан учун ажратилган машғулотлар тугашига 2 ҳафта қолганида илмий раҳбарга унинг электрон варианти жўнатилиши ёки фан бўйича ишлаб чиқилган платформага жойлаштирилиши шарт.
    
13. 
    Курс иши ҳимояси вебинар тартибда ўтказилади.
    
14. 
    Курс ишини ўз вақтида ўрнатилган тартибда тақдим этмаган магистрантлардан такрорий равишда курс иши қабул қилинмайди.