Тасдиқлайман: Олмалиқ кмк аж цемент заводи бош муҳандиси Г. Г. Тегай

Жавоб 123: Иш берувчи ишлаб чиқаришда бахтсиз ҳодисани келтириб чиқарган сабабларни
бартараф этиш чораларини кўради ва текшириш тамом бўлгандан сўнг уч сутка давомида тасдиқланган Н-1 шаклидаги далолатномаларни: жабрланувчига ёки унинг манфаатларини ҳимоя қилувчи шахсга, текшириш материаллари билан бирга корхона меҳнатни муҳофаза қилиш хизмати раҳбари (муҳандиси, мутахассиси)га давлат меҳнат техника назоратчисига юборади.
Н-1 шаклидаги далолатнома билан расмийлаштирилган бахтсиз ҳодисалар корхона томонидан ҳисобга олинади ва журналда қайд килинади (Ишлаб чиқаришда содир бўлган бахтсиз ҳодисалар ва ходимларнинг бошқа шикастланишларни текшириш ва ҳисобга олиш тўғрисидаги Низом № 286 06.06.1997 йил 2-илова).
Савол 124: Иш берувчи Н-1 шаклидаги далолатнома нусхаларини қайси органларга жўнатиши шарт ва ушбу ҳужжатлар қанча сақланади? (Ишлаб чиқаришда содир бўлган бахтсиз ҳодисалар ва ходимларнинг бошқа шикастланишларини текшириш ва ҳисобга олиш тўғрисидаги Низом № 286 06.06.1997 йил).
Жавоб 124: Иш берувчи Н-1 шаклидаги далолатнома нусхаларини, касаба уюшмаси қўмитасига ёки корхона ходимларининг бошқа вакиллик органларига, Ўзбекистон Республикаси «Саноатгеоконтехназорат» давлат инспекцияси вакилига, агар бахтсиз ҳодиса назорати остидаги корхоналар (объектлар)да юз берган бўлса, юқори турувчи хўжалик органига, тегишли вазирлик (корпорация, уюшма, концерн)га ҳам уларнинг талабларига мувофиқ юбориши шарт. Ишлаб чиқаришда содир бўлган бахтсиз ҳодисалар ва ходимларнинг бошқа шикастланишларини текшириш ва ҳисобга олиш тўғрисидаги Низомнинг II булимининг 7,10,11,12 ва 13-бандларида кўрсатилган ҳолларда Н-1 шаклидаги далолатнома тўрт нусхадан тузилади ва тасдиқланади. Меҳнатни муҳофаза килиш хизмати раҳбари (муҳандиси, мутахассиси)га текшириш материаллари билан юборилган Н-1 шаклидаги далолатнома 45 йил давомида сакланиши лозим. Бошқа жойларга юборилган Н-1 шаклидаги далолатномалар ва унинг нусхалари эҳтиёж йўқолгунча сақланади. (Ишлаб чиқаришда содир бўлган бахтсиз ҳодисалар ва ходимларнинг бошқа шикастланишларини текшириш ва ҳисобга олиш тўғрисидаги Низом № 286 06.06.1997 йил).
Савол 125: Қандай бахтсиз ҳодисалар махсус текширилади? (Ишлаб чиқаришда содир бўлган бахтсиз ҳодисалар ва ходимларнинг бошқа шикастланишларини текшириш ва ҳисобга олиш тўғрисидаги Низом № 286 06.06.1997 йил).
Жавоб 125: Қуйидаги бахтсиз ҳодисалар махсус текширилади:

• 
  бир вақтнинг ўзида икки ёки ундан зиёд ходимлар билан юз берган гуруҳий бахтсиз ҳодисалар – шикастланиш оқибати қандай даражада бўлишидан қатъий назар;
  

- ўлим билан тугаган бахтсиз ҳодисалар;
- оқибати оғир бахтсиз ҳодисалар.