Тасдиқлайман: Олмалиқ кмк аж цемент заводи бош муҳандиси Г. Г. Тегай

Савол 111: Саноат хавфсизлиги экспертизаси? (ЎзРси “Хавфли ишлаб чиқариш объектларининг саноат хавфсизлиги тўғрисидаги“Қонуннинг 15-моддаси).
Жавоб 111: Саноат хавфсизлиги экспертизаси экспертиза объектининг унга нисбатан қўйиладиган саноат хавфсизлиги талабларига мувофиқлигини баҳолашдир.
Қуйидагилар белгиланган тартибда саноат хавфсизлиги экспертизасидан ўтказилиши керак:

• 
  хавфли ишлаб чиқариш объектини қуриш, кенгайтириш, қайта қуриш, техник жиҳатдан қайта жиҳозлаш, консервациялаш ва тугатишга доир лойиҳа ҳужжатлари;
  
• 
  хавфли ишлаб чиқариш объектида қўлланиладиган техника қурилмалари;
  
• 
  хавфли ишлаб чиқариш объектидаги бинолар ва иншоотлар;
  
• 
  саноат хавфсизлиги декларацияси ва хавфли ишлаб чиқариш объектидан фойдаланиш билан боғлиқ бошқа ҳужжатлар.
  
• 
  Саноат хавфсизлиги экспертизасини уни ўтказиш учун белгиланган тартибда аккредитацияга эга бўлган ташкилотлар хавфли ишлаб чиқариш объектидан фойдаланаётган ёки ундан фойдаланишни мўлжаллаётган ташкилот маблағлари ҳисобидан ўтказади.
  

Экспертиза хулосаси саноат хавфсизлиги экспертизасининг натижасидир.
Саноат хавфсизлиги экспертизасини амалга ошириш тартиби ва экспертиза хулосасини расмийлаштиришга нисбатан қўйиладиган талаблар махсус ваколатли давлат органи томонидан белгиланади. (ЎзРси “Хавфли ишлаб чиқариш объектларининг саноат хавфсизлиги тўғрисидаги“Қонуннинг 15-моддаси).
Савол 112: Саноат хавфсизлиги декларациясини ишлаб чиқиш ҳамда тасдиқлаш қандай амалга оширилади? (ЎзРси “Хавфли ишлаб чиқариш объектларининг саноат хавфсизлиги тўғрисидаги“Қонуннинг 19-моддаси).
Жавоб 112: Саноат хавфсизлиги декларацияси хавфли ишлаб чиқариш объектини қуриш, кенгайтириш, қайта қуриш, техник жиҳатдан қайта жиҳозлаш, консервациялаш ва тугатишга доир лойиҳа ҳужжатлари таркибида ишлаб чиқилади ҳамда хавфли ишлаб чиқариш объектидан фойдаланувчи ташкилот раҳбари томонидан тасдиқланади. Хавфли ишлаб чиқариш объектидан фойдаланиш билан боғлиқ фаолиятга лицензия олиш учун мурожаат қилинган, саноат хавфсизлиги декларациясидаги маълумотлар ўзгарган ёки саноат хавфсизлиги талаблари ўзгарган тақдирда, саноат хавфсизлиги декларациясига аниқлик киритилади ёки у янгидан ишлаб чиқилади. (ЎзРси “Хавфли ишлаб чиқариш объектларининг саноат хавфсизлиги тўғрисидаги“Қонуннинг 19-моддаси)