Тасдиқлайман: Олмалиқ кмк аж цемент заводи бош муҳандиси Г. Г. Тегай

Савол 113: Хавфли ишлаб чиқариш объектидан фойдаланувчи ташкилотнинг саноат хавфсизлиги декларациясини тасдиқлаган раҳбари нималарга жавобгар, ҳамда декларация қандай тартибда ишлаб чиқилади? (ЎзРси “Хавфли ишлаб чиқариш объектларининг саноат хавфсизлиги тўғрисидаги“Қонуннинг 19-моддаси).
Жавоб 113: Хавфли ишлаб чиқариш объектидан фойдаланувчи ташкилотнинг саноат хавфсизлиги декларациясини тасдиқлаган раҳбари ундаги маълумотларнинг тўлиқлиги ҳамда ишончлилиги учун белгиланган тартибда жавобгар бўлади. Саноат хавфсизлиги декларацияси Ўзбекистон Республикаси Вазирлар Маҳкамаси белгилаган тартибда ишлаб чиқилади ва давлат органларига, жамоат бирлашмаларига ҳамда фуқароларга тақдим этилади. (ЎзРси “Хавфли ишлаб чиқариш объектларининг саноат хавфсизлиги тўғрисидаги“Қонуннинг 19-моддаси
Савол 114: Хавфли ишлаб чиқариш объектида авария юз берган ҳолда зарар етказганлик учун жавобгарликни мажбурий суғурта қилиш.Иш берувчининг жавобгарлиги? (ЎзРси “Хавфли ишлаб чиқариш объектларининг саноат хавфсизлиги тўғрисидаги“Қонуннинг 20-моддаси).
Жавоб 114: Хавфли ишлаб чиқариш объектида авария юз берган ҳолда бошқа шахсларнинг ҳаёти, соғлиғи ва (ёки) мол-мулкига ҳамда атроф-муҳитга зарар етказганлик учун жавобгарлик қонун ҳужжатларида белгиланадиган тартибда мажбурий суғурта қилиниши керак.
Иш берувчи хавфли ишлаб чиқариш объекти ходимларининг ҳаёти, соғлиғи ва мол-мулкига зарар етказганлик учун меҳнатга оид қонун ҳужжатларига мувофиқ жавобгар бўлади. (ЎзРси “Хавфли ишлаб чиқариш объектларининг саноат хавфсизлиги тўғрисидаги“Қонуннинг 20-моддаси).
Савол 115: Иш берувчи текшириш тугагандан кейин қанча муддат ичида жабрланувчига ёки унинг манфаатларини ҳимоя қилувчи шахсга Н-1 шаклидаги далолатномани бериши шарт? (Ишлаб чиқаришда содир бўлган бахтсиз ҳодисалар ва ходимларнинг бошқа шикастланишларни текшириш ва ҳисобга олиш тўғрисидаги Низом № 286 06.06.1997 йил).
Жавоб 115: Иш берувчи текшириш тугагандан кейин 3 суткадан кеч бўлмаган муддат ичида жабрланувчига ёки унинг манфаатларини ҳимоя қилувчи шахсга давлат тилида ёки бошқа мувофиқ келадиган тилда тўлдирилган бахтсиз ҳодиса тўғрисидаги Н-1 шаклидаги далолатномани бериши шарт. (Ишлаб чиқаришда содир бўлган бахтсиз ҳодисалар ва ходимларнинг бошқа шикастланишларни текшириш ва ҳисобга олиш тўғрисидаги Низом № 286 06.06.1997 йил).