|
(Воркаут)
Мусобақалар Воркаут бўйича мусобақа қоидалари асосида ўтказилади. Мусобақа иштирокчилари яккалик бахсларида иштирок этадилар. Мусобақалар натижаси икки йўналишда аниқланади. Биринчи йўналиш турник бахсларига 30 секунд вақт берилади. Дам олиш вақти 10 секундни ташкил этади.. Иккинчи йўналиш брус бахсларига 30 секунд вақт берилади. Иштирокчилар берилган вақт давомида машқларни тўғри ва аниқ бажарганлигига қараб ғолиб ва совриндорлар аниқланади.
IV. Спорт мусобақаларини ташкил этиш ва ўтказишга
раҳбарлик қилиш.
Мусобақаларни Низом талаблари асосида ўтказилишини таъминлаш учун маҳалла босқичида жисмоний тарбия фани ўқитувчилари ва маҳалла ёшлар етакчиси, сектор ва туман (шаҳар) босқичларида туман (шаҳар) спортни ривожлантириш бўлимлари ва Ёшлар ишлари агентлиги ҳамда болалар-ўсмирлар спорт мактаблари, мусобақаларининг ҳудудий босқичида Спортни ривожлантириш бош бошқармаси ва Ёшлар ишлари агентлиги масъул ҳисобланади.
Мусобақаларга маҳалла жамоаларини иштирок этишларини таъминлаш маҳалла фуқоролари йиғинлари раислари, маҳалла ёшлар етакчилари ва маҳалладаги умумтаълим мактабларининг жисмоний тарбия фани ўқитувчилари зиммасига юклатилади.
Мусобақаларнинг ҳудудий босқичига маҳалла жамоаларини келиб кетишларини таъминлаш туман (шаҳар) ҳокимликлари зиммасига юклатилади.
Мусобақаларнинг ғолиб ва совриндорларини аниқлаш тегишли спорт турлари бўйича мусобақаларни ўтказиш қоидаларига мувофиқ амалга оширилади.
V.Спорт мусобақаларида иштирок этадиган жамоалар таркиби
Спорт турлари бўйича мусобақалар мазкур Низом ҳамда ҳалқаро спорт ташкилотларининг амалдаги қоидаларига асосан ўтказилади.
Спорт мусобақаларида маҳалла фуқаролар йиғинларида яшовчи доимий рўйхатдан ўтган 7 ёшдан 30 ёшгача (тадбир ўтаказилаётган кунда 30 ёшга тўлмаган) бўлган шахслар қатнашишига рухсат этилади.
VI. Спорт мусобақаларининг ғолиб ва совриндорларини аниқлаш
ва тақдирлаш тартиби.
Спорт мусобақаларининг ғолиб ва совриндорлари қуйидаги тартибда аниқланади:
- спорт турларидан шахсий (яккалик) биринчилик якунлари бўйича;
- умумжамоа ҳисобида.
Спорт мусобақаларида спорт турлари бўйича якка ва спортнинг ўйин (жамоавий) турлари бўйича мусобақаларда 1, 2 ва 3-ўринларни эгаллаган спортчиларни туман (шаҳар) секторлари биринчиликларида сектор раҳбарлари ва Ёшлар ишлари агентлиги, туман шаҳар биринчиликларида ҳудудий ҳокимликлар ва Ёшлар ишлари агентлиги, ҳудудий босқичларида ҳудудий ҳокимликлари ва Спортни ривожлантиш бош бошқармаси ҳамда Ёшлар ишлари агентлиги, республика финал босқичида Спортни ривожлантириш вазирлигининг диплом, медал а эсдалик совғалари билан тақдирланади.
Спорт мусобақаларида фаол иштирок этган барча спортчилар, мураббийлар, ҳакамлар, раҳбарлик қилувчи ва хизмат кўрсатувчи ходимларга Ташкилий қўмита томонидан ва ҳомий ташкилотлар томонидан спорт мусобақаларининг номинациялари бўйича (ғалабага бўлган иродаси учун, энг яхши техникаси учун, спорт тадбирларни тайёрлаш ва мусобақа ўтказишдаги фаол иштироки учун, оммавий спортни ривожлантиришга қўшган муносиб ҳиссаси учун) алоҳида совғалар тақдим этилиши этилиши мумкин.
VII. Спорт мусобақаларини молиялаштириш.
Спорт мусобақаларини ташкил этиш ва ўтказиш, мусобақаларнинг очилиши ва ёпилиш маросимларини юқори савияда ташкил этиш, ғолиб
ва совриндорларни тақдирлаш барча босқичларда (республика (финал) босқичи бундан мустасно) Ёшлар ишлари агентлиги томонидан, республика босқичи Спортни ривожлантириш вазирлиги томонидан;
Мусобақаларни оммавий ахборот воситаларида кенг ёритилишини таъминлаш, Спортни ривожлантириш бош бошқармаси, Ёшлар ишлари агентлиги, ҳамда Маҳалла ва нуронийларни қўллаб-қувватлаш бошқармалари томонидан амалга оширилади.
Спорт мусобақалари ўтказиладиган спорт иншоотлари ва уларни керакли спорт жихозлари, ҳакамлар таркиби билан таъминлаш ҳудудий Спортни ривожлантириш бош бошқармаси томонидан таъминланади.
VIII.Талабномаларни бериш тартиби ва муддати.
Спорт мусобақаларининг босқичларида иштирокчилар рўйхати ҳар бир қатнашчига тегишли ҳужжатлар (шахсни тасдиқловчи ҳужжат,
3x4 ҳажмдаги сурат) спорт турлари бўйича мусобақалар ўтказилишидан
3 кун олдин туман (шаҳар) спортни ривожлантириш бўлимига тақдим этилади.
Спорт турлари бўйича талабномалар мусобақалар ўтказиладиган кунда мандат комиссиясига тақдим этилиши шарт.
Спорт мусобақаларининг иштирокчилари рўйхати иловада белгиланган шаклда ёшлар етакчиси ва маҳалла фуқаролар йиғини раислари томонидан тасдиқланади.
Ушбу рўйхат ўрнатилган тартибда ҳакамлар ҳайъатига тақдим этилади.
Рўйхатда спортчи, тренерлар, спорт жамоалари раҳбарлари бўлиши шарт (1-жадвал).
Спорт мусобақаларига четдан (рўйхатда бўлмаган) жалб қилинган иштирокчилар спорт мусобақаларига қўйилмайди.
Мусобақа қатнашчилари ва тренерлар томонидан мусобақа жараёнида ёки жамоа ўртасида тартиб қоидаларини бузса, уларга нисбатан Ташкилий қўмита томонидан тегишли тартибда чора кўрилади.
Жамоа аъзоларининг йўл ҳаракати ҳавфсизлиги, мусобақа ўтказиш жойларида одоб ахлоқ қоидаларига амал қилишларига жамоа раҳбари масъул ҳисобланади.
IX. Низоларни ҳал этиш.
Спорт мусобақалари иштирокчилар томонидан Низом талаблари бузилган ҳолларда, мусобақаларда иштирок этаётган маҳалла жамоасининг натижаси бекор қилиниб, ушбу иштирокчилар мусобақага қўйилмайди.
Спорт мусобақаларни ўтказиш жараёнида (иштирокчи томонидан) мусобақа ўтказиш учун тўсқинлик қилинган ҳолларда мазкур иштирокчидан келиб чиқадиган барча норозилик хатлари мусобақа тугагандан сўнг ёзма равишда бош ҳакамга такдим этилиши шарт. Ҳакамлар ҳайъати томонидан норозилик хати 24 соат (1 сутка) ичида кўриб чиқилади.
Спорт мусобақалари якунлангандан кейин норозилик хатлари ва ҳар қандай шикоятлар қабул қилинмайди ва инобатга олинмайди.
X. Якуний қоидалар.
Спорт мусобақаларини ўтказиш юзасидан Спортни ривожлантириш вазирлиги томонидан спорт мусобақалари Низомига ўзгартириш
ва қўшимчалар киритилиши мумкин.
Спорт мусобақаларининг барча босқичлари мусобақалар ўтказиладиган ҳудуддаги давлат тасарруфидаги ва ҳусусий спорт иншоотларида ўтказилади.
Спорт мусобақаларнинг барча босқичи даврида ҳудуд жамоаларининг спортчилари тренерлар ва бириктирилган раҳбарларининг жавобгарлиги остида бўладилар.
Спорт мусобақаларининг ҳар бир босқичларида қатнашувчи барча спортчилар:
- махсус спорт кийимларида бўлишлари;
- ўз рақибларига ва ҳакамларга нисбатан ҳурматда бўлишлари, ҳалол
ва адолатли тамойиллар асосида кураш олиб боришлари, спорт мусобақаларини ўтказиш маданиятининг бузилишига йўл қўймасликлари;
- ҳудудларда ташкил қилинган спорт турлари бўйича мусобақа иштирокчилари тиббий кўрикдан ўтказилади.
Спорт мусобақаларини оммавий ахборот воситаларида кенг ёритиб борилади.
Do'stlaringiz bilan baham: |
