6. Натижаларни намойиш этиш. Ушбу якуний босқичда жараённинг якунланиши намойиш этилади, шунингдек эришилган натижаларнинг аҳамиятини тушуниш ва кейинги ижодий йўлни давом эттиришга хизмат қилади. Талабаларнинг ижодий қобилиятни ривожлантириш учун юқоридаги шартларни босқичма-босқич амалга оширилиши керак. Ижодий қобилиятнинг ривожланиш даражалари мавжудлиги сабабли, ушбу босқичларсиз амалга ошмайди, яъни ҳар бир босқич муайян мақсадга қаратилади. Шунингдек, талабанинг ижодий қобилиятининг ривожлантиришнинг кейинги босқичига ўтиш учун йўл очади.
Тадқиқотимизда таълим мазмунини белгиловчи ўқув режа, фан дастури, ўқув қўлланма, дарсликларни таҳлил қилганимизда талабаларда интеллект ва ижодий қобилиятни ривожлантиришга йўналтирилган аниқ ўқув фани мавжуд эмаслиги аниқланди. Шундан келиб чиқиб, мактабгача педагогика дарслиги мазмунига айнан мазкур муаммони сингдириш, бундан ташқари Чирчиқ давлат педагогика университети қошида очилган “Мактабгача таълим лабораторияси”да талабаларни ижодкорлигини намоён этишга қаратилган ижодий тўгарак ташкил этиш, иммитацион машғулотларни ўтказиш муҳим деган хулосага келдик. Дарсдан ташқари вақтда талабалар “HEMIS” платформасида кредит модул учун ижодий топшириқлар, интеллектуал машқларни бажришга йўналтирилди. Мустақил таълим топшириқлари бўйича берилган муаммоли вазиятларни ечимини излаш “4+2 тартиби”да амалиёт шаклида амалга оширилди. Тадқиқотда кўзлаган мақсадга эришишда корпоратив ва коллоборатив ёндашувидан фойдаландик. Бунда вилоят мактабгача таълим бошқармаси, туман бўлими, умумий ўрта таълим мактаблари ва ўрта махсус таълими, малака ошириш марказлари педагоглари билан ҳамкорликда талабаларда назарий билим билим, кўникма ва малакаларни мустаҳкамлашга қаратилган ўқув семинари, “Заковат ўйинлари" , “Педагогик устахона”, “Маҳорат дарслари”, “Ижодий кеча ва учрашувлар” ташкил этилди.
Диссертациянинг учинчи боби ”Талабаларда ителлектуал ижодий қобилиятни ривожлантиришга оид тажриба-синов ишларининг самарадорлиги” деб номланиб, мазкур бобда, талабаларда интеллектуал-ижодий қобилиятни ривожлантиришда билимларни ўзлаштиришга таъсирини тадқиқ этиш тизимини такомиллаштиришга доир тажриба-синов ишлари мазмуни ҳамда унинг натижалари келтирилган. Тажриба синов ишлари
2018-2021 йиллар мобайнида тадқиқот объектлари ҳисобланган Андижон ва Гулистон давлат университетлари, Чирчиқ давлат педагогика университетларида олиб борилди. Тажриба-синов ишларини ташкил этиш ва ўтказишга доир материаллар тайёрланганидан сўнг ўқув-тренинг ва семинарлар ташкил этилди. Ўқув семинарлари давомида тажриба-синов материаллари экспертизадан ўтказилди ва амалиётга татбиқ этиш учун тақдим этилди .Педагогик тажpиба-синов натижалаpини таҳлил этишда талаба-ёшларни илмий тадқиқот фаолиятига йўналтириш юзасидан талабалар билан олиб борилган тажриба-синов ишлари натижаларига асосланган ҳолда математик-статистик таҳлил методи қўлланилди.
Do'stlaringiz bilan baham: |