Тасдиқлайман” Қашқадарё вилояти ҳокими

3-боб. Мусобақаларни ўтказишга раҳбарлик

3. Мусобақаларни ўтказишга умумий раҳбарлик Қашқадарё вилоят ҳокимлиги, вилоят Прокуратураси, вилоят жисмоний тарбия ва спорт бошқармаси томонидан, бевосита раҳбарлик вилоят кураш федерацияси томонидан амалга оширилади.

4. Мусобақани адолатли ва шаффоф ҳолда ўтказилишига ҳамда мусобақада иштирок этувчиларнинг ҳужжатларини қабул қилиш ва расмийлаштиришга масъул ҳакамлар вилоят кураш федерацияси томонидан тайинланади.


4-боб. Мусобақаларни ўтказиш жойи ва муддати

5. Мусобақа 2021 йил 23-24 апрел кунлари Қарши шаҳар Амфитеатр биносида ўтказилади. Қуръа ташлаш 24 апрел куни соат 9⁰⁰ дан 10⁰⁰ гача бўлиб ўтади. Кураш мусобақасининг бошланиши 24 апрел куни соат 11⁰⁰ да. Мусобақанинг тантанали очилиш маросими 24 апрел куни соат 12⁰⁰ -13⁰⁰ (шароит ва имкониятга қараб очилиш маросими вақти ўзгариши мумкин).

5-боб. Мусобақада иштирок этиш шартлари
Мусобақада 18 ёшга тўлмаган спортчилар қатнашишга рухсат этилмайди. Мусобақада спортчиларнинг кўк ва яшил рангдаги яктак, оқ иштон ва қизил белбоғи бўлиши шарт. Кураш формалари тоза ва озода бўлиши шарт.
Ҳакамлар кастюм-шим, оқ кўйлак ва бўйинбоғда бўлиши талаб этилади.
6. Вазн ўлчаш 2021 йил 23 апрел куни Қарши Давлат университети жисмоний маданият факультети Кураш маркази залида соат 16⁰⁰ дан 19⁰⁰га қадар ўтказилади.

Курашчиларга 1 кг қўшимча вазнга рухсат берилади.

Вазн тоифалари: Эркаклар: 73, 81, 90, +90
Ҳар бир жамоага ҳар бир вазн тоифасида 4 тадан спортчи иштирок этишига рухсат берилади.
Ҳар бир туман ва шаҳарларга 1 тадан жамоага рухсат берилади.


6-боб. Мусобақа ўтказиш шартлари

7. Мусобақа халқаро кураш қонун қоидаларига асосан ўтказилади.

Мусобақа Ўзбекистон Республикаси кураш федерацияси Қашқадарё вилоят бўлинмаси томонидан тасдиқланган ҳакамлар ҳайъати томонидан ўтказилади ва уларнинг вазифалари федерация қоидалари асосида белгиланади.
Мусобақа Низоми тегишли бандларига ўзгартириш ва қўшимчалар киритилган таақдирда мусобақа бошланишидан 2 кун олдин мусобақа иштирокчиларига маълум қилинади.