«тасдиклайман» "Ўзбекистон почтаси" аж жиззах филиали директори Г. Кулдошев

Почта хизмати хавфсизлиги бўйича директор ўринбосарининг хизмат вазифалари:
Почта алоқа тармоғи ва объектларининг доимий ишлашини ва хавфсизлигини таъминлаш, Қонунга зид равишда почта жўнатмалари сифатида қурол-аслаха, портловчи моддалар, бактереологик, радиоактив, захарловчи ҳамда бошқа шунга ўхшаш нарсаларнинг юборилишини аниқлайди ва олдини олади.
Почта алоқаси объектларида ички кириш-чиқиш тартибларига амал қилинишни таъминлайди. Пул ва почта жўнатмаларини қайта ишлаш, жойларда топшириш ҳамда транспортда ташиш холлари ва сақланишини таъминлаш бўйича назоратни ташкил этади.
Почта жўнатмаларини ўғирлаш, камомад, почта жўнатмаларининг бузилиши, йўқолиши, жўнатма ва пенсия пулларининг камомади аниқланган тақдирда Почта қонунларини, Бутунжахон почта иттифоқи регламент ва Конвенцияси қоидалари бузилганлигини аниқлаш мақсадида хизматга доир текширувларни ташкил этади.
Юқоридаги масалалар бўйича қабул қилинган меъёрий ҳужжатларни амалда қўлланишини таъминлайди ва назорат қилади.
Фавқулодда вазиятларнинг олдини олиш ва бартараф этиш бўйича чора-тадбирларни белгилайди, амалга оширилишини назорат қилади.
Почта хавфсизлигини таъминлаш мақсадида давлат бошқарув органлари, махаллий ҳокимиятлар ва ҳуқуқни химоя қилиш ташкилотлари билан хамкорликда тадбирлар тузиб амалий иш олиб боради:
Тегишли ходимларнинг қурол билан ишлаши, уларнинг тегишли меъёрий ҳужжатлар асосида иш олиб боришини таъминлайди ва назорат қилади.
Ходимлар учун сохага тегишли семинар-ўқув машғғулотларини ташкил этади.
Почта алоқаси тармоғи бинолари, тегишли хоналарнинг муҳофазаланиш холатини назорат қилиб боради.
Меҳнатни ташкил этиш, ижро интизомини мустахкамлаш, хавфсизлик чора-тадбирлари бўйича ходимлар билан алоҳида тушунтириш ишлари олиб боради.
Шу билан биргаликда рахбарият томонидан берилган бошқа барча топшириқларни бажаради, тегишли вазиятларда навбатчиликни ташкил қилади, оператив ишлар холатини текширади.
Эслатма: Почта хавфсизлиги бўйича директор ўринбосари филиал директорининг буйруғига асосан, директор ёки экспулатация ишлари бўйича директор ўринбосари вақтинча ишда бўлмаган вақтда вазифасини бажаради.

• 
  Лавозим йўриқномасига почта хизмати соҳасида бўладиган ўзгаришлар муносабати билан қўшимчалар киритилиши мумкин.